Oksana Şelest, Herson vilâyetiniñ Nova Kahovkadaki bala bağçasınıñ terbiyecisi olıp çalışa edi. Tuvğan şeeri vaqtınca işğal etilgeni sebebinden qadınnıñ ailei Zaporijjâğa köçti.

Cenk sebebinden evlerinden terk etmege mecbur qalğan insanlarnı destek etmek maqsadınen şeerde türlü programmalar ve teşkilâtlar çalışa edi. Böylece, Oksana Telegram kanalında bir beyanat kördi: “Cenkten zarar körgen qadınlar ve qızlar içün telükesiz bir boşluq”.

Birinciden Oksana iştirakçi olaraq böyle derslerge qatıla edi. Birazdan oña balalarnen çalışmağa teklif ettiler, çünki qadın buña ayatınıñ 25 senesini bağışladı – til qusurlarınen balalar içün mahsus bala bağçasında terbiyeci olıp çalışqan edi.

Şu anda Oksana tek balalarnen çalışmay, balalar içün sanat terapiyasını ögrenmege de qarar berid. Aynı zamanda köçken analar ve balaları içün mevzulı derslerni alıp bere.

Oksananıñ planları arasında oqumağa devam etmektir: yetişkenler içün sanat terapiyasınen bağlı kurs oqup bitirmek, ruhiyatçı ihtisasını almaqtır.

O ayta ki, inkişaf etmege, tou ayat yaşamağa istey ve aile terapiyası derslerine barğan balalarnen köçken qadınlarğa bunı yapmağa yardım ete.