2022-2023 senesi Qırımtatar tiliniñ inkişafı strategiyasını yerine ketirüv çerçivesinde UNKniñ “Qırımtatar tiliniñ inkişafına isse içün Ukraina Nazirler Kabinetiniñ Mukâfatı aqqında” qararınıñ leyhası azırlandı.

Vitse baş nazir İrına Vereşçuknıñ başlığınen Qırımtatar tili meseleleri mlliy eyyetiniñ oturışları neticesinde iş gruppası onı azırladı.

Onıñ terkibinde ReNazirligi, Ukraina qavmiy siyaset ve vicdan azatlığı devlet hızmeti (QSVAH), Qırımtatar Milliy Meclisi, Medeniyet ve malümat siyaseti, Prezidentniñ QMCdeki Vekilligi, Ekinci cian cenkinde Ukrainanıñ tarihı milliy müzeyiniñ vekilleri ve mukâfatnıñ körünişi üzerinde çalışqan ressamlar qatıldılar.

Normativ aktqa köre, qırımtarar tiliniñ inkişafı ve rağbetligine mahsus isse içün devlet mukâfatı berilecel.

Anda Ukraina Nazirler Kabinetiniñ Mukâfatı aqqında qarar, maqbul mukâfatnıñ laureatınıñ diplomı ve köküs işaretiniñ körünişi ve tesviri qayd etildi.

Şu anda qararnıñ leyhasınıñ cemaat muzakeresi devam ete.

2024 senesi qara qış ayınıñ 22-sine qadar bedeniy ve uquqiy insanlarnıñ ğayeleri ve teklifleri alınır. [email protected] elektron poçtasına mektüp yollamaq mümkün.

Tedbirler planınıñ leyhasınen bağlı mesleatlar: (068) 701-75-82 (Katerına Kupşar, QSVAHniñ qavmiy cemaatnen işdeşlik bölügi).

QSVAHniñ resmiy saytında cemaatnen mesleatlarnıñ neticeleri yayınlanacaq.

ReNazirligi, maqbul teşebbüsniñ azırlanmasına qatılğan er keske açıq göñlünden teşekkür bildire.