“SviTı” Merkzinde 12-16 yaşındaki oğlançıqlar ve qızçıqlar, ihtisasiy ruhiyatçılardan mesleat ala bileler. Jıtomır vilâyet arbiy memuriyeti bu aqqında haber berdi.

Merkezniñ teşebbüsçileri arasında BGV Charity Fund ve Kids of Ukraine hayriye fondları.

Anda inkişaf ve interaktiv vazifeleri, munaqaşalar, iş ve rol oynaları, sanat terapiyası ve raatlatıcı usullar vastasınen balalarğa cenknen bağlı ruhiy yaralarnıñ neticelerini yoq etmege yardım etecekler.

Devlet içinde alınğan kişilerden ğayrı, Merkez ana-babası Ukraina qorçalağan balalarğa da yardım etecek. Rusiyeniñ tolu miqyaslı tecavuzı sebebinden yaqınlarını coyğanlarğa da yardım etecek.

Programmada iştirak etmek içün ana-babalar anketa toldurmalılar. Bundan soñ Merkezniñ mütehassısları ailenen bağlanacaqlar ve kelecek adımlarını añlatacaqlar.

Qayd etildi ki, şu anda Jıtomır vilâyetinde telükeli topraqlardan tahliye etilgen 16,5 biñ bala yaşay.