Halqara iş teşkilâtı ve “Adım adımğa” umumiy ukrain fondu, ukrain qadınları içün “Küçük balalar içün evde bala bağçası” oquv leyhasını başlattılar. Fondnıñ Facebook saifesinde bu aqqında haber berdiler.

Teşebbüsniñ maqsadı, balalarnıñ baqımı ve inkişafı içün irişilir hızmetler yaratmaqtır.

Kıyiv ve Jıtormır vilâyetlerinde yaşağan 18-54 yaşındaki ukrain qadınları iştirak ete bileler. Ve balalarnı baqmağa sevgen ve evinde öz bala bağçasını açmağa hayal etken qadınlar iştirak ete bileler.

Konkurs vaqtında 30 iştirakçi saylanacaq. Balalarnıñ baqımı ve inkişafı mevzusında biznesniñ qurma ve inkişafınıñ temel ceetleri aqqında bir tasil kursına ketecekler.

Beş eñ avesli iştirakçi, grvina evkivalentinde 5 biñ AQŞ dollarına qadar maliyeviy yardım alacaq.

Bala bağçasını yaratqanda onıñ maddiy imkânları sıñırlanğan eali içün irişilir olması müimdir.

Programmada iştirak etmek içün bağlantığa basıp, forma toldurmaq kerek. Ketti-bitti vaqtı, 2024 senesi qara qış ayınıñ 28-idir.

[email protected] elektron poçtası vastasınen tafsilâtlı malümat almaq mümkün.