Varşava şeerinde Vitse baş nazir İrına Vereşçuk Lehistan İnkişaf ve tehnologiyalar naziri Kşıştof Ğetmannen körüşti. Bundan ğayrı, tedbirde Lehistan Cumhuriyetindeki Ukraina Elçisi Vasıl Zvarıç iştirak etti.

Şu cümleden, körüşüv vaqtında Ukraina yañıdan quruv meselesinde işdeşlik meselesini muzakere ettiler. Qayd etemiz ki, Leh yatırım ve ticaret agentliginen beraber Lehistan İnkişaf ve tehnologiyalar nazirligi, Ukraina yañıdan qurmağa qatılmağa istegen leyh şirketlerini destek etüv programmasını başlattı. Şu anda endi 2800 müessise bu programmada iştirak etmege razı oldı.

Körüşüv çerçivesinde Ukrain-leh iqtisaidy işdeşlik meseleleri ükümetlerarası eyyetiniñ nevbetteki oturışını keçirmek kerekligine diqqat celp ettiler. Bundan ğayrı, iştirakçiler ukrain-ley ticaret munasebetini muzakere ettiler.

“Qayd etmege isteyim ki, Lehistan Cumhuriyeti, Ukrainanıñ baş ticaret ortağıdır. O, Ukraina ve Avropa ülkeleri arasında umumiy kölemden 23,1% nisbiy çekinen eki taraflı ticaretniñ kölemine köre birinci ley ala. Ümüt etem ki, 2024 senesi de böyle dinamika devam eter”, – dep İrına Vereşçuk ayttı.