“Rada” telekanalında canlı yayın vaqtında vitse baş nazir İrına Vereşçuk bunı bildirdi.

Memurnıñ sözlerine köre, Jenevredeki BMTnıñ ştab-dairesini ziyaret etkende bu mesele muzakere ettiler. Şu cümleden, BMTnıñ İnsan aqları yuqarı komissarı Folker Türknen körüşüv vaqtında bu mesele muzakere ettiler

Vitse baş nazir añlattı ki, rus tecavuzına qarşılıqnıñ soñ eki senesi pek zor edi. Birinciden, ülkeniñ ealisiniñ ve ecnebiy ülkelerge köçken vatandaşlarımıznıñ ihtiyaclarına gumanitar qarşılıqqa diqqat celp etildi.

Aynı zamanda sürgün etilgen ukrainalılar ve şu anda vaqtınca işğal etilgen topraqlarda bulunğanlarnıñ ihtiyaclarına da diqqat ayırmalımız. Olar, şiddetli insan aqları bozmalarından zarar köreler ve bazı da adiy ihtiyaclarğa irişimi yoq.

Endi çoq senedir BMT, bütün dünyadaki böyle vatandaşlarğa baqa. Şu cümleden, ealiniñ eñ zayıf gruppalarına: devlet içinde alınğan kişiler, qaçaqlar, vatandaşsız insanlar ve arbiy areketler zonalarında bulunğan insanlarğa baqa. Buña köre olarğa yardım etmek içün bu tecribe pek faydalı ola bilir.

“BMTnıñ İnsan aqları yuqarı komissarı Folker Türknen bu mesele muzakere ettik. Şu anda vaqtınca işğal etilgen topraqlarda bulunğan 6 million ukrain vatandaşınıñ dünya cemaatınıñ diqqatı ortasında bulunmaları pek müimdir”, – dep İrına Vereşçuk qayd etti.