Keçken sene “Öz işi” grant programmasınıñ veteran yönelişi çerçivesinde 109 million grivnağa grantlarnı alacaq 260 veteran ve arbiy areletlerde iştirak etkenlerniñ aileleriniñ azası ğalip oldı. Ükümet portalında bu aqqında haber berdiler.

Programmanıñ şartlarına köre arbiy areketlerde iştirak etkenler ya da cenk neticesinde saqatlı olğan insanlar, ve eşileri aşağıdaki grantlar ala bileler:

• 250 biñge, 500 biñge grivna ve 1 millionğa qadar grivna – veteranlar içün bir, eki ya da dört iş yerini yaratmaq şarttır;
• 250 biñge, 500 biñge grivna – veterannıñ eşi içün bir ya da eki iş yerini yaratmaq şarttır.

500 biñden 1 millionğa qadar grivnalıq grant almaq içün eñ az 3 sene veteran FOP olaraq qayd etip çalışmalıdır.

Böyle grant almaq içün grant alıcı da öz para yatırım etmeli. Yani grant alıcı öz işine parasınıñ 30%-ini yatırım etmeli, devlet ise qalğan 70%ni grant şeklinde ödeycek.

Biznes planınen beraber grant arizalarını Diia portalında toldurıp yollamaq mümkün.