İş seyaatı vaqtında ReNazirliginiñ taqımı askerler, ölgen askerlerniñ aileleriniñ azaları, veranlar ve aileleriniñ azaları içün müessiselerni ziyaret etti.

Olardan biri, Arbiy areketler iştirakçileri merkezi. Onıñ faaliyeti, ukrain qorçalayıcıları ve aileleriniñ azalarını cemaatta faal ve tolu ayatqa qaytarmağa, destek etmege ve sağlığını tüzetmege yönelgendir.

Şu anda müessiseniñ sicilinde eñ az 3,5 biñ insan bar. Olardan 1,5 biñi, arbiy areketler iştirakçileriniñ aileleriniñ azasıdır.

Keçken sene Merkezde insanlar 36 biñ hızmet aldılar. Bu sene qara qış ayınıñ başından tahminen beş yüz insanğa endi 2,4 biñ hızmet berdiler.

Umumen merkez içtimaiy destek ve ozğaruv, uquqiy mesleatlar, ruhiy yardım bere. Bundan ğayrı, anda reabilitatsiya bölügi çalışa. Bu sene endi 8,5 biñ protsedura berildi.

Bundan başqa, Sumı şeer şurasınıñ mezkür kommunal müessisesiniñ esasında Veterannıñ yardımcısı institutınen bağlı deñev leyhası yerine ketirile.

İrına Vereşçuk arbiy areketler iştirakçileri ve veteranlar içün biznes mektebini de ziyaret etti.

Veteranlarnı adiy ayatqa adaptatsiya etmek ve ülkeniñ yañıdan qurulmasında faalca iştirak etmek içün Sumı milliy agrrar universitetiniñ esasında o teşkil etildi.

Müessisege maniasız irişim bar, oquv ceryanında er kesniñ oñaytlı duymaması içün.

Biznes nektebi, ihtsisas arttırıcı kurslarnı teklif ete. Anda biznes esasları ve biznes planlaşturıvı, internet marketing, muvafaqiyetli leyhalarnı yazuv, maliyeviy savatlılıq kibi derslerni alıp bereler.