Teşebbüsniñ maqsadı, ukrainalılar ve qırımtatarlarnıñ orta qıymetleri ve özdeşliginiñ faktorlarını ögrenmektir. Universitetniñ Facebook saifesinde bu aqqında haber berdiler.

“Kıyiv-Moğıla akademiyası” Milliy universitetiniñ esasında Qırım studiyalarınıñ açılışına azırlamalar çerçivesinde Kıyiv-Moğıla Analitik Platforması tarafından mezkür leyha azırlandı.

Teşebbüs çerçivesinde qırımtatar ve ukrain milliy ve siyasiy kelecegi arasında işdeşliginiñ semereli yol haritasını yaratmağa planlaştıralar. Bundan ğayrı, mezkür harita, qırımtatarlarnıñ öz ödeşligini, keniş ukrain özdeşliginiñ qısmı olaraq, yahşıca añlamalarınıñ inkişafına yardım etecek.

Leyha çerçivesinde kompleksli araştırmalar yapılacaq, onıñ esasında tevsiyeler azırlanacaq ve Ukrainanıñ farqlı bölgelerinde maqbuk tedbirler keçirilecek.

Bundan ğayrı, araştırmanıñ neticelerini cemaat arasında tarqatmaq içün ses-kösterici kontent yaratılacaq.

Bundna başqa, mütehassıslarnıñ iştirakinen cemaat ve devlet hadimlerine araştırmalarnı taqdim etecekler ve muzakere etecekler.