Riha şeerinde “Balalarğa qarşı rusiyeniñ cenki” halqara konferentsiyası keçirildi. Tedbirde Birinci hanım Olena Zelenska iştirak etti, dep Ukraina Prezidentiniñ saytında haber berdiler.

Konferentsiyanıñ maqsadı, dünya cemaatınıñ  diqqatını ukrain balalarınıñ çalınmaları ve zoraki sürgünligine celp etmek edi.

Söz aytqanda Olena Zelenska qayd etti ki, Jenevre şartnamesinde bir qaide bar. Oña binaen balanıñ vatandaşlığına köre ve çatışmanıñ tarafı olmağan bir ülkede bala qaytarıla bilir.

Bunıñ içün tecavuzcığa coğrafik ceetten yaqın olğan Baltiya bölgesiniñ ülkeleri böyle ülkeler ola bilirler.

Birinci hanımnıñ sözlerine köre, halqara ortaqlarnen beraber bütük kerekli mehanizmler azırlanmalı. Bundan ğayrı, bu ceryanda iştirak etmege azır olğan ülkeler de mehanizmlerni azırlamağa qatılmalılar.

Balalarımıznı qurtarmaq içün bu öz tesiri, akimiyeti ve resurlarını qullanmaqnıñ eñ cesür usulıdır.