V.İ. Vernadskıy adına Tavriya milliy universitetiniñ (TMU) “Kıyiv-Moğıla akademiyası” Milliy Universitetine qatılaraq yañıdan tizelüvi aqqında laf ettiler.

Bugün kiçik aynıñ 3-ünde Kıyiv şeerinde vitse baş nazir İrına Vereşçuknıñ başlığınen mahsus oturış keçirildi.

Tedbirde TMU, ReNazirligi, Tasil nazirliginiñ vekilleri, Ukraina Prezidentiniñ Qırım MCdeki daimiy temsilcisi, halq mebusları, “Kıyiv-Moğıla akademiyası” Milliy Universitetiniñ vekilleri ve başqaları iştirak ettiler.

Taraflar, bu qararnen bağlı fikirleri ve tüşüncelerinen paylaştılar. Bundan ğayrı, türlü sebeplerge diqqat celp ettiler. Şu cümleden, TMUniñ Qırımnen bağlı aktual meselelerde rolüne diqqat celp ettiler.

İştirakçiler añlaştılar ki, Tavriya milliy universiteti bir strategiya azırlamalı. Onıñ yardımınen tasil müessisesi, tek reqabet etici bir universitet degil, ukrain Qırımınıñ qaytaılması ve yañıdan yaratılması içün intelekt boşluğı da ola bilir.

Oturışnıñ neticelerine köre vitse baş nazir İrına Vereşçuk Tavriya milliy universitetinin reberligine açıq-aydın yerine ketirüv planınen beraber universitetniñ inkişaf strategiyasını azırlap Tasil nazirligine bermege avale etti.

“Tavriya milliy universiteti, reqabet etici bir tasil müessisesi olmalı. Hadimler ve ilmiy işler azırlamaları ceetinde qırım meselesine diqqat eterek”, — dep mebus hulâsa çıqardı.