Bugün kiçik aynıñ 16-sında ReNazirligi, Halqara migratsiya teşkilâtı (HMT), vilâyet arbiy memuriyetleri ve topraq cemaatlarınıñ vekilleri, cenkten zarar körgen vatandaşlar içün ev qurmağa dair işdeşlik memorandumını imzaladılar.

Şu cümleden, aşağıdaki meskün yerlerde evlerni qurmağa planlaştıralar:

• Çernivtsi vilâyetiniñ Hotın ve Çernivtsi şeer şuraları;
• İvano-Frankvsk vilâyetiniñ Kolomıya şeer şurası;
• Kıyiv vilâyetiniñ İrpin şeer şurası ve Ğostomel qasaba arbiy memuriyeti;
• Vinnıtsâ vilâyetiniñ Agronomik köy şurası, Lıdıjın ve Hmilnıtsk şeer şuraları;
• Lviv vilâyetiniñ Starıy Sambir, Drohobıç ve Kamyanka-Buzka şeer şuraları.

Tahminen 6000 insan içün 2000 daire qurulacaq. Teşebbüsniñ maqsadı, devlet içinde alınğa kişilerni ve yerli ealiniñ zayıf gruppalarını uzun kirala bilecekleri evnen temin etmektir.

Ukraina vitse baş naziri İrına Vereşçuk ve Ukrainadaki HMTnıñ Vekilliginiñ başı Alessiya skiavonnıñ iştirakinen memorandum imzalav merasimi keçirildi.

“Devlet içinde alınğan kişilerni evnen temin etmek, Ükümetniñ uzun zamanlı esas vazifelerinden biridir. Evlerini coyğan ukrain aileleri aqqında laf etemiz. Bu, büyük bir çağıruvdır”, – dep İrına Vereşçuk qayd etti.

Vitse baş nazir haber berdi ki, ReNazirligi 2025-2030 seneleri Devlet içinde alınğan kişilerni evnen temin etüv strategiyasını azırlay. Onı yerine ketirmek içiün em merkeziy akimiyet, em de yerli öz-özüni idare organları ğayretlerini köstermeliler. Bunda ğayrı, bu ceryanda halqara ortaqlarımıznıñ yardımı da soñ derecede müimdir.

“Bugün biz bizni er vaqıt destek etken Almaniya Ükümetine ve Halqara migratsiya teşkilâtına açıq göñlümizden minnetdarmız”, – dep İrına Vereşçuk qayd etti.

Qoşma malümat:

Yañıdan quruv içün kredit müessisesi (KfW) vastasınen Almanita federal iqtisadiyat işdeşlik ve inkişaf nazirligi (BMZ) bu leyhağa para ayıra. Leyhanıñ koştorıs fiyatı: 72,1 million yevrodır.

2024-2025 seneleri Kıyiv, Lviv, Çernivtsi, Vinnıtsâ ve İvano-Frankivsk vilâyetlerindeki 24 meskün obyekt qurulacaq/tamir etilecektir.