VİETda ya da arbiy areketler topraqlarında çoq vatandaşımız pasportını ya coydı, ya da alamadı. 

Ükümet, VİETda bulunğan ukrainalılarğa, ailesiniñ azası ya da qanuniy temsilcisiniñ arizasınen vaqtınca Ukraina vatandaşı şeadetnamesini vesiqalaştırmağa imkân berecek deñev leyhasını çıqarıp tasdıqladı. Yani VİETda bulunğan insannıñ vastasız iştiraki olmadan vesiqa almaq mümkün. Amma VİETda bulunğan insannıñ adından vesiqa almaq içün hitap etken ailesiniñ azası ya da qanuniy temsilcisi, Ukrainanıñ kotrol etken toprağında bulunmalı.

İİN, maqbul leyhanı tüşünip çıqardı. VİETdan çıqış meseleleri idare ştabı, onı tüşünip çıqarmağa qarar berdi.

Böylece, yol-yoruqqa köre aşağıdaki insanlarnıñ hitaplar esasında Devlet migratsiya hızmetiniñ organı vaqtınca Ukraina vayandaşı şeadetnamesini berecek:

• ana-babalarından biri (vasiy);
• vasiy etken, baqqan ya da başqa qanuniy temsilci;
• eş;
• 18 yaşına yetken bala ya da torun;
• doğmuş qardaş;
• ReNazirliginiñ resmiy hitabı.

Aşağıdaki insanlar vaqtınca Ukraina vayandaşı şeadetnamesini ala bileler:

• Ukraina vatandaşı pasportını coyğan, amma pasportı (şu cümleden, ecnebiy ülkeler içün pasportı) aqqında bilgileri Tek devlet demografik sicilinde ya da DMHniñ müessise sistemasında mevcut olğan;
• 18 yaşına yetmegen pasportı aqqında bilgileri Tek devlet demografik sicilinde ya da DMHniñ müessise sistemasında mevcut olmağan.

Ariza anketasını bergen künden soñ 15 iş künü devamında vaqtınca Ukraina vayandaşı şeadetnamesi bedava şekilde yapıla.

Qanuniy temsilici ya da ailesiniñ azasına bermek maqsadınen azırlanğan vesiqa DMHniñ maqbul topraq organına ya da ReNazirligine yollana.

Temsilci, adı vesiqada qayd etken insanğa berecek.