Nazirler Kabinetiniñ binasında iş oturışı keçirildi. Anda Qıdıruv meseleleri merkeziy agentliginiñ Bürosınıñ temsilcisi, reberi Duşan Vuyaşanin iştirak etti.

Taraflar, Merkeziy qıdıruv agentliginiñ (MQA) Bürosı ve Ukraina Milliy malümat bürosı (MMB) arasındaki malümatnen paylaşuv mehanizmlerini mükemmelleştirüv meselesini muzakere ettiler. Şu cümleden, esir etilgen askerlerimiz ve qanunsız olaraq sürgün etilgen ukrainalılar, şu cümleden balalarnıñ bulunğanları yerni ögrenip tasdıqlamaq maqsadınen. Esir etilgen askerlernen tutuv meseleleri idare ştabına bilgilerni bermek ve bu tür insanlarnı evge qaytarmaq içün bunı yapmaq kerek.

Qayd etemiz ki, Ükümetniñ qararına köre İdare ştabı, rusiye tarafından qanunsız olaraq tutulıp qapatılğan tınç yaşağan vatandaşlarnı azat etmek içün de çalışa. Bundan ğayrı, İdare ştabınıñ vazifeleri arasında tecavuzcı bir devlet tarafından sürgün etilgen tınç yaşağan vatandaşlarnı qaytaruvnen bağlı faaliyetke yardım etmektir.

“Bütün insanlarımıznı qaytarmalımız. Em esir etilgen askerlerimiz, em de tınç yaşağan vatandaşlarımıznı qaytarmalımız. Bunı yapmaq içün bizden kelgen er şey yapacaqmız”, – dep muzakere vaqtında İrına Vereşçuk qayd etti.

Bundan ğayrı, MQAniñ Bürosınıñ vekilleri, Ukraina Milliy malümat bürosınen işdeşliginiñ yahşılaşmasını qayd ettiler.

Hatırlatamız ki, 1949 senesi arman ayınıñ 12-sindeki Cenk fedalarını qorçalav aqqında Jenevre şartnamesi ve “Ukraina mudafaası aqqında” Ukraina Qanunınıñ esasında MMB ve MQA malümatnen paylaşa.