AQŞ, Amerika Qoşma Ştatlarında köçken ukrainalılarnıñ bulunma müddetini 2 senege uzattılar. Bu, kiriş içün böyle degen gumanitar ruhsetnameler esasında AQŞa kelgen ukrainalılarğa bağlıdır.
Öz Facebook saifesinde AQŞdaki Ukraina elçisi Oksana Markarova bu aqqında haber berdi.
Aşağıdaki ukrainalılarnıñ bulunma ruhsetnamesiniñ müddeti uzatıldı:
- Ukraina vatandaşlarına AQŞa kiriş içün gumanitar ruhsetnameni bermek içün qolaylaştırılğan teşebbüs Uniting for Ukraine (U4U) programması çerçivesinde AQŞa kelgenler;
- 2022 senesi kiçik aynıñ 11-inden çiçek ayınıñ 25-ine qadar devirde AQŞnıñ devlet sıñırındaki keçit noqtalarında kiriş içün ruhsetname alğanlar.
Qayd etemiz ki, kiriş içün gumanitar ruhsetname, eñ polulârlardan ve eñ çoq qullanışğan kiriş içün mahsus statuslardan biridir. Bu mahsus ruhsetname, Amerika Qoşma Ştatlarına kiriş aqqını bere ve qanunlarğa binaen normal AQŞa kiriş aqına saip olmağan insnalar içün gumanitar sebeplerden berile.