Lehistanğa köçken ukrainalılarnıñ vaqtınca qorçalav statusınıñ müddeti 2024 senesi bozarğan aynıñ 30-ına uzatıldı. Maqbul qanun imzalandı, dep Lehistan prezidentiniñ Kantselâriyasınıñ saytında bildirildi.

Bu Qanun, 2022 senesi kiçik aynıñ 24-ünden soñ 2024 senesi saban ayınıñ 4-üne qadar Lehistanğa köçip kelgen ukrainalılarğa aittir.

Qayd etildi ki, Avropa Birliginiñ Şurasınıñ köçken ukrainalılarnıñ vaqtınca qorçalav statusınıñ müddetini 2024 senesi saban ayınıñ 4-üne qadar uzatuv aqqında qararına binaen Qanun berildi.