Latviya, Litvaniya, Estoniya, Lehistan ve Çehiya Köy hocalığı nazirlileri rusiye ve belarustan Avropa Birligine ububatnı ihrac etmege yasaqlamağa çağıruvınen Avropa eyyetine hitap ettiler.

Litvaniya Köy hocalığı nazirliginiñ matbuat hızmeti bu aqqında haber berdi.

Hitapta,  yasaqnıñ bütün Avropa Birliginiñ toprağında kenişletilmesi teklif etildi.

Bu beş ülkeniñ nazirleri, Ukrainadan hırsızlanğan ububatnıñ avropa bazarında olmaması içün bu tedbirlerni keçirmek müimligini qayd ettiler.

ABniñ Köy hocalığı ve balıqçılıq nazirler şurasınıñ kelecek oturışında bu mesele baqılacaq.

Hatırlatamız ki, Litvaniya Köy hocalığı nazirligi, ülkege ihrac etilgen ububatnıñ qaydan ketkenini taqiq etmege teşebbüs etti. Bundan evel Ukraina Agrar siyaset naziri haber berdi ki, rusiye Ukrainanıñ vaqtınca işğal etilgen topraqlarından ububat alıp üçünci ülkelerge ihrac ete.