Polskie Radionıñ canlı yayınında vitse baş nazir İrına Vereşçuk bunı bildirdi. O añlattı ki, şu anda Ukrainanıñ Lehistannen munasebetleriniñ prioritetleri arasında telükesizlik ve mudafaa meseleleridir.

 

Aynı zamanda memur emin ki, qomşu olğan ülkeler arasındaki alâqa, başqa müim saalarda da olmalı. Şu cümleden, ukrain ububatnıñ tranziti saasında.

 

“Ukrain ve leh fermacıları, ortaqlıq ceetinden munasebetlerini qurmalılar. Bunıñ içün oturıp añlaşmaq kerek”, – dep İrına Vereşçuk qoştı.

 

Onıñ sözlerine köre, birinciden orta bergi ve sıñır kontrolı meselesini al etmek kerek. O zaman eki taraf şunı bilecek: ne, qaç ve ne yerge kete. Bu, tranzit ceryanında yapılğan areketler ve suistimaldan qaçınmağa yardım eter.

 

Bu saada bazı azırlamalar endi bar. Maqbul añlaşma azırlandı ve eki ülke tarafından tasdıqlandı. O, orta kontrolnen bağlıdır ve eki tarafnıñ añlayışını qolaylaştırır. Şu anda Avropa eyyeti vesiqanı baqa.

 

Bundan ğayrı, bergi añlaşmasınen berğlı deñev leyhası yerine ketirile. “Rava-Ruska – Hrebenne” keçit noqtasında Lviv bergiligi, leh toprağında qayd etilecek bergi yükleri aqqında malümat alır. Avropa Birligi ruhset berecek soñ başqa bergi noqtalarında da bu ceryannı qullanmağa niyeti bar.

 

“Bütün kerekli vesiqalarnı mıtlaqa tüşünip çıqaracaqmız ve razılaşacaqmız. Esası, bunı yapmağa istegimiz ve niyetimizniñ olması”, – dep vitse baş nazir qayd etti.