Yetişkenler ve merkezniñ işçileriniñ orğaruvınen “Mıloserdâ” Pokrovsk saqatlı insanlarnıñ kompleksli reabilitatsiya merkeziniñ terbiyecilileri yañı yerge köçip keldiler.  

“Şarq SOS” Hayriye fondunıñ yardımınen bina tamir etildi. Bu bina, saqatlı ve az mobil olğan insanlarnıñ yaşamaları içün tamamınen uyğundır.

HF ve Neresnıtskıy köy şurası arasındaki imzalanğan memorandum ve añlaşmağa köre bina, cebege yaqın topraqlardan yañğız tahliye etilgen ve cenk vaziyeti bitecek qadar ya da bitecek bir sene soñ yaşaycaq qart insanlar içün uyğunlaştı.

“Mıloserdâ” merkeziniñ terbiyecilerinen beraber Zakerpattâğa Hust bölgesindeki oñaytlı şartlarnen şelterde vasiyler ailesi de köçip yerleşti.

Vitse baş nazir İrına Vereşçuknıñ başlığınen Cenk vaziyeti şartlarında ealiniñ zoraki tahliyesini keçirüv meseleleri idare ştabınıñ oturışında Merkezni daa telükesiz yerge alıp ketirmege qararı alındı.

“Şiddetli ateşler zonalarında balalar, ayrıca içtimaiy baqımğa ihtiyac duyğanlar olmamalılar. Balalarnen beraber köçip kelgen ve olarğa baqmağa devam etecek taqımğa teşekkür bildirem”, – dep vitse baş nazir qayd etti.