Tünevin çiçek ayınıñ 16-sında Avropa Birliginiñ Yuqarı memurlarnıñ dörtünci gumanitar meseleler oturışında Ukrainadaki gumanitar çağıruvlarnı muzakere ettiler.

 

ABniñ buhran vaziyetlerini idare meseleleri komissarı Yanez Lenarçıç ve Ukraina vitse baş naziri İrına Vereşçuk oturışnı başlattılar.

 

Cenk şartlarında semereli yardım etmek imkânlarını baqmaq içün gumanitar teşkilâtlar, donorlar ve Ukrainanıñ akimiyet organlarınıñ vekilleri toplaştılar.

 

Muzakere etilgen meseleler arasında bu senege maliye etüv ve yardım etken yerli gumanitar teşkilâtlarnen işdeşlik mehanizmleri edi.

 

Qayd etemiz ki, 2022 senesi rusiyeniñ tolu miqyaslı tecavuzı başlağan soñ Avropa Eyyeti Ukrainadaki gumanitar progarmmalarğa 860 million yevro ayırdı.

 

Bundan ğayrı, ABniñ içtimaiy qorçalav mehanizmi vastasınen Ukrainağa 146 tonnalıq yardım yollandı: ilâçlar, mobil hastahaneler, sığınaq obyektleri, naqliyat, mektep avtobusları, yanğınğa qarşı cihazlar ve ilâhre.

 

“Halqara ortaqlarımıznıñ yardımınen gumanitar cebeni tutmağa devam etemiz. Ve bunıñ içün 2022 senesi kibi 2024 senesi de gumanitar meselelerge maliye etmek müimdir”, – dep İrına Vereşçuk qayd etti.