Vitse baş nazir İrına Vereşçuknıñ başlığınen oturışta tibbiyet ve reabilitatsiya saalarında orta ukrain-leh leyhalarınıñ yerine ketirilmesini muzakere ettiler.

Oturışta Ukrainadaki Leh yatırım ve ticaret agentligi (РАІН), ReNazirligi, Sağlıq nazirligi, İçtimaiy siyaset nazirligi, Veteranlar nazirligi, Mudafaa nazirligi ve USQniñ Tibbiy quvetleriniñ komandanlığınıñ vekilleri iştirak ettiler.

Mayıs ayında mahsus biznes konferentsiyası keçirilecek ve leh yatırımcıları, ukrain ihtisasiy tekilâtları ve müessiselerini ziyaret etecekler.

Şu anda belli oldı ki, 11 leh şirketi Kıyivdeki maqbul konferentsiyağa qatılmağa isteyler.

Bundan ğayrı, Lehistandan tahminen 100 iş adamı onlayn iştiraki içün qayd ettiler.

Şu cümleden, oturışra tibbiyet, ilâçşınaslıq, reabilitatsiya, protezleştirüv kibi saalarda leyhalarnıñ taqdimini muzakere ettiler.

Bundan başqa, Borodânka içtimaiy-ruhiy reabilitatsiya merkeziniñ esasında Ukrain-leh protezleştirüv ve reabilitatsiya merkezini teşkil etmek fikirini subet ettiler.

Biznes missiyasınıñ maqsadı, leh biznesini Ukrainağa tibbiy ve reabilitatsiya yatırımları bermek ve anda gumanitar leyhalarını keçirmege yol açmaqtır.

Tedbirniñ ortaqları arasında Lehistan İnkişaf ve tehnologiyalar nazirligi, Ukrainadaki Leh yatırım ve ticaret agentligi, Kıyivdeki Lehistan Cumhuriyetiniñ Elçiligi, Leh-Ukrain Hocalıq Palatası, Ukrainadaki Leh iş adamlarınıñ halqara birleşmesi, UkraineInvest ve Lehistan İş adamları ve iş bericileriniñ birlşemesidir. Strategik ortağı ise ReNazirligidir.