Bugün Nazirler Kabineti, “rusiye federatsiyasınıñ Ukrainağa qarşı silâlı tecavuzınıñ neticesinde sürgün etilgen ya da zoraki alıp ketirilgen balalarnı qıdıruv ve qaytaruv yol-yoruğını tasdıqlav aqqında” qararını aldı.

 

Ukraina Prezidentiniñ Volodımır Zelenskıynıñ “Barışıq forumı”nıñ parçası olğan Bring Kids Back UA planını yerine ketirüv çerçivesinde ReNazirligi, aktnıñ leyhasını azırladı.

 

Mezkür yol-yoruq, balalar, ayrıca öksüz balalar ve ana-babasınıñ vasiyliginden marum etilgen balalarnı qıdırmağa, qaytarmağa ve içtimaiy qorçalavnı ve reintegratsiyasını temin etmege iştirak etken subyektler arasındaki munasebetini tesbit ete.

 

Böyle sürgünlik ya da zoraki ketirüv telükesi astında bulunğan balalar aqqında da laf etemiz.

 

Subyektleri – icra akimiyetiniñ merkeziy ve yerli organları, öz-özüni idare organları, Yuqaı Şuranıñ İnsan aqları temsili, Esir etilgen askerlernen tutuv meseleleri idare ştabı, UHH, Milliy malümat bürosınıñ vekilleridir.

 

Subyektlerniñ işdeşliginiñ idarecisi Renazirligi saylandı.

 

Aktnıñ leyhası, bu subyektlerniñ sürgün etilgen ya da zoraki alıp ketirilgen balalarnı qıdıruv ve qaytaruvnen bağlı areketlerini qanuniy şekilde idare etecek.

 

Balanıñ qanuniy vekili ya da başqa vekâletli organlarnıñ yapmalı olğan esas tedbirlerden biri, şahsiy qaytaruv planını tüşünip çıqaruvdır.

 

Böyke plan kompleksli olmalı ve balanıñ şahsiy ihtiyaclarını esapqa alıp tüşünip çıqarılmalı.