Evleri VİETda ya da arbiy areketler zonasında yoq etilgen köçip kelgenler halqara zarar cedveline ariza bere bilecekler. Bunı Diia qullanması vastasınen yapmaq mümkün olacaq, dep Raqam nazirligi haber berdi.

 

Sicilden alınacaq malümat, Rusiye tarafından yoq etilgen mülkniñ saiplerine berilgen tazminatlarnıñ temeli olacaq.

 

Qayd etilgenine köre, zarar körgen ya da yoq etilgen evniñ saipleri Sicilge ariza yollay bileler:

 

• vaqtınca işğal etilgen topraqlarda ya da arbiy areketler zonasında evge saip olğanlar;

 

• mal-mülkiyet aqqı Maddiy aqlarnıñ devlet sicilinde qayd etilmegen insanlar;

 

• yerli akimiyetten zarar körgen mülkniñ teşkerüvi aqqında vesiqa yoq ve olar yaQuruv programmasına kirsetilmegenler.

 

Şu anda hızmet, beta rejiminde çalışa. Testten soñ hızmet er keske açıq olacaq. TEstke bağlantı vastasınen qoşulmaq mümkün.

 

Bir qaç kün evel vitse baş nazir İrına Vereşçuk oturış keçirdi, onıñ neticelerine binaen Adalet nazirligi, Devlet geokadastrı ve başqa mütenasip müessiselerge topraq damartısına mülkiyet aqqınıñ tasdıqlanmasını qolaylaştıracaq mehanizmlerni işlep çıqarmağa avale etti. Bu, DAKge VİETdaki zarar körgen meskeni aqqında malümatnı Zarar cedveline kirsetmege imkân berecek.