Donetsk vilâyetinden havfsız bölgegege daa 46 insan (29 qoranta) tahliye etildi, olarnıñ arasında 6 bala, 17 qadın (1 hamile), 4 az mobil insan, 2 saqat.

 

Demir yol vokzalında qabul noqtası teşkil etildi. Fevqulâde vaziyetler devlet hızmeti ve polis hadimleri tahliye etilgenlerge trenlerden çıqmağa ve eşyalarını taşlamağa yardım ettiler, acele yardım taqımları tibbiy yardım berdiler.

 

Devlet içinde köçip kelgen insanlar sıcaq içimlikler ve gigiyenik çantalarnen beraber ruhiy ve uquqiy yardım ala bileler. Bu, Qızıl Haç, “İntegratsiya Merkezi”, “Rokada” Hayriye fondu, “İçtimaiy-ruhiy yardım künlük merkezi” ve “Qoruv aqqı” Hayriye fondunen işbirlik neticesinde oldı.

 

Kelgen soñ köçip kelgenlerge tahliye paraları berildi ve olar qabul etken cemiyetlerge yerleştirildi.

 

Hatırlatamız ki, tahliye bedavadır. Evelden yazılmaq içün yerli akimiyet organlarına muracaat etmek kerek. Ya da (098) 890-33-18 nomerasına telefon etip, muracaat etmek mümkün.

 

Ağır hasta ve saqatlılarnı tahliye etmek içün 0 800 332 614, (099) 710-48-72, (099) 311-53-14, (096) 108-60-48, (099) 311-53-36 nomeralarına muracaat etiñiz.

 

Bundan da ğayrı, cebege yanın topraqlardan tahliye etmege istegenler, ReNazirliginiñ telefon hattına 15-48 nomerinen muracaat ete bileler. WhatsApp/Telegram/Viber messengerleri vastasınen haberler içün (096) 078-84-33 nomerası bar.