Bugün, oraq ayınıñ 8-nde, duşman Ukrainağa 38 raketanı uçurdı. Ücüm altında Kıyiv, Dnipro, Krıvıy Rih, Slavânsk, Kramatorsk oldılar. Rusiye federatsiyası, içtimaiy astyapığa maqsatlı ateş açtı.

 

Paytahtnıñ 7 rayonında raketa parçaları tüşti. Şu cümleden, duşman raketi “Ohmadıt” bala hastahanesiniñ korpusını ve evniñ kirişlerinden birini viran etti. O yerde çöplüklerni temizleyler.

 

“Ohmadıt” binasında eki elâk olğan ve 16 yaralanğan kişi aqqında haber etile, olardan yedisi — balalar, 15 yaralanğan kişi hastahanege alındı. Amma şimdilik çağına yetmegenlerniñ ölümleri aqqında malümat yoq.

 

Kıyivde olğan patlama neticesinde tibbiy merkezge yıqılğan parçalar qayd etildi. İlk malümatqa köre, yedi kişi elâk oldı, daa üç kişi yaralandı.

 

Paytahtqa raketa ücümi neticesinde 20 insan elâk oldı, 61 kişi yaralandı.

 

Dniproda doquz qatlı bina ve bir sıra içtimaiy obyekt zarar kördi. Bir adam elâk oldı, 12 yaralandı, beş kişi hastahanege alındı.

 

Krıvıy Rihte işhane bozuldı. Yanğın çıqtı, qurtarıcılar onı söndürdi. Birinci malümatqa köre, 10 insan elâk oldı, daa 47 kişi ağır yaralandı.

 

Pokrovskta üç adam elâk olğan sanayı müessisesi viran etildi.

 

Ukrainağa qarşı yapılğan raketa ücümleri neticesinde elâk olğan ve zarar körgenlerniñ umumiy malümatı ögrenile.