Oturış, vitse baş nazir İrına Vereşçuknıñ Harkiv vilâyetine iş ziyareti çerçivesinde olıp keçti.

Oturışta ReNaziriniñ muavini Oleksiy Bruslık, ReNazirliginiñ gumanitar qarşılıq idare müdirliginiñ yolbaşçısı Vadım Şvets, em de Energetika nazirligi, Harkiv, Donetsk, Sumı VAMniñ vekilleri, gaz tarqatma ağlarınıñ operatorları ve başqa meraqlanğan taraflarnıñ vekilleri bar edi.

İştirakçiler Harkiv, Sumı ve Donetsk vilâyetleriniñ cebe rayonları ealisiniñ zarar körgen qısımlarına qış vaqtını keçirmege yardım etmek içün toplanğan gaznıñ ballonlarda berilmesine imkân berecek deñev leyhasını muzakere ettiler.

Bu leyhanı vitse baş nazir İrına Vereşçuk idare ete. Energetika nazirligi, ReNazirligi ve başqa meraqlanğan nazirlikler ve müessiselernen beraberlikte mütenasip qararnı azırlaylar.

Energetika nazirliginiñ vekili, azırlanğan deñev leyhası merkeziy akimiyet organlarınen kelişkenini, bundan soñ ise onı Ükümetke yollaycağını bildirdi.

Başqa meselelernen beraber, iştirakçiler leyhanı yerine ketirüv algoritmi, aktual meseleler, em de leyhağa halqara ortaqlarnı celp etüv aqqında laf ettiler.