Böyle teşebbüslerni kenişletmek kerekligi, vitse baş nazir İrına Vereşçuknıñ yolbaşçılığınen keçirilgen veteranlar siyaseti meseleleri oturışında muzakere etildi.

Şu cümleden, iştirakçiler qayd ettiler ki, al-azırda veteranlar içün “tek pencere” olaraq 952 Memuriy hızmetler merkezi çalışa.

Olarnıñ çoqusı Dnipropetrovsk, Rivne, Zakarpattâ, Poltava ve Çernivtsi vilâyetlerinde buluna. Anda “Veteran” Memuriy hızmeti” ve “Men Vteranım” leyhaları muvafaqiyetnen çalışa.

Bundan da ğayrı, Ukraina boyunca “mobil valizler”nıñ tarqaluvı muzakere etildi. Bu, devlet hızmetlerini yolda köstermege imkân bergen mobil noqtalardıri.

Bu teşebbüsler yardımınen veteranlar ve qorantaları kerekli memuriy hızmetlerni tez ve oñaytlı şekilde ala bileler.

Vitse baş nazir qayd etti ki, böyle memuriy hızmetlerniñ bütün Ukrainada kirsetilmesi pek müimdir. Böyle etip, askerler ve olarnıñ qorantalarınıñ azaları içün kerekli hızmetlerniñ maksimal irişimini temin etmek mümkün olur.