Vekiller arasında Danimarka qaçaqlar meseleleri şurasınıñ baş kâtibi Charlotte Slente, Asiya ve Avropa bölgesiniñ icracı müdiri Gerri Garvi, Danimarka qaçaqlar meseleleri şurasınıñ Ukrainadaki temsilciliginiñ müdiri Juliane Zakrzevskiy ve devlet akimiyet organlarınen bağ idarecisi Dina Gud ediler.

 

Hususan Donetsk vilâyetiniñ telükeli bölgelerinden tahliye etilgen ealige destek kösterildi.

 

DRCniñ vekilleri Donetsk vilâyetinden tahliye etilgenlerniñ Kirovohrad ve Dnipropetrovsk vilâyetlerinde gumanitar yardımını quvetleştireceklerini vade ettiler.

 

DRCniñ vekilleri, Kursk vilâyetindeki şimdiki vaziyetnen de meraqlandı. İrına Vereşçuk qayd etti ki, Ukraina Rusiye Federatsiyasınıñ Kursk vilâyetinde cenk areketlerinde halqara gumanitar uquq qaidelerine riayet ete. USQ yerli ealige suv, aşayt, ilâc ve tibbiy yardım köstereler.

 

Bundan da ğayrı, patlama telükesi olğan ya da ola bilecek yerlerde mina havfsızlığı meseleleri muzakere etildi. Qayd etmek kerek ki, DRC Ukrainada faal gumanitar uquq qorçalayıcı faaliyetini alıp bara.

 

“Danimarka qaçaqlar meseleleri şurasına cenk şaraitinde ukrainlerge destek köstergeni içün teşekkürler bildirem. Donorlarnıñ paralarını celp etüv boyunca muvafaqiyetli işiniz bizimz içün pek müimdir”, – dep vitse aş nazir hulâsa çıqardı.

 

Qoşma malümat: DRC, mecburen köçürilgenlerniñ meselelerinde çalışqan halqara gumanitar teşkilâtıdır. Rusiye Federatsiyasınıñ Ukrainanıñ topraqlarına tam miqyaslı istilâsı başlağanınen olar mında çoq saalı gumanitar cevap bermege başladılar.