Bu mevzu Prezident ofisiniñ yolbaşçısınıñ muavini İrına Vereşçuknıñ yolbaşçılığında keçirilgen oturışta muzakere etildi.

 

Hususan, Nazirler Kabinetiniñ 2024 senesi berim ayınıñ 13-nde qabul etilgen 1055. qararınıñ yerine ketirilmesi aqqında söz yürsetildi. O, devlet bücetinden yerli bücetlerge aile türlü bala evleri (ATBE) içün mesken satın almaq içün imtiyazlaqrnıñ ayırılmasını közde tuta.

 

Oturış devamında belli oldı ki, vilâyetlerde ev qıdırmağa devam eteler. Bu seneniñ soñuna qadar onı 94 ATBE içün satın almaq planlaştırıla.

 

Hatırlatamız ki, qararğa köre, aşağıdakiler içün mesken satın alınacaq:

 

1) telükesiz bölgelerde mesken teminatına muhtac olğan ve vaqtınca Ukraina tışına avuştırılğan (tahliye etilgen) ve qaytmağa planlaştırğan ATBE;

 

2) Ukraina sıñırlarında vaqtınca yerleştirilgen (tahliye etilgen) ATBE;

 

3) yañı yaratılğan ATBE.

 

Subventsiya paraları Ukrainağa tahliye etilgen ATBEleriniñ qaytması içün imkânlar yaratmağa ve yañı ATBEleriniñ meydanğa ketirilmesine yardım etecek.