“Ukraina Meryem Ana mektebi”niñ işi aqqında ukrain vatandaşlarınıñ çetelde bulunmasınen bağlı meselelerniñ çezilüvi oturışında haber etildi. Tedbir Ukraina Prezidentiniñ Ofisi reisiniñ muavini İrına Vereşçuknıñ yolbaşçılığı altında keçti.

 

Oturışta ReNazirligi, Tasil ve ilim nzirligi, Tış işleri nazirligi, Ukraina tışqı elçilikleri, tışqı Ukraina tasil merkezleri ve başqa müessiselerniñ vekilleri iştirak ettiler.

 

Qayd etmek kerek ki, Büyük Britaniyada 1955 senesinden berli “Mümin Meryem Ana ukrain mektebi” bar. 2022 senesi Ukrainada cenk başlağan soñ tatil mektebi çeşit bölgelerde yüzlernen ukrain talebesini qabul etti.

 

Fondnıñ 14 bölügi bar ve bu memlekette ukrain balalarına tasil ve ruhiy destek bergen eñ büyük hayriye tasil teşkilâtı ola.

 

Mektep ve Büyük Britaniya Tasil departamentiniñ teşebbüsinen 2023 senesi belediye akimiyet organlarında vaqtınca Büyük Britaniyağa köçken ukrain balalarına tasil destek kösterüv (education support workers) boyunca ukrain tilli hadimlerniñ daimiy vazifeleri kirsetilecek.

 

Bu hadimler balalar ve ana-babalarğa ruhiy yardım köstereler, stress ve duyğularnı idare etüv derslerini keçireler, ilerideki tasil içün Büyük Britaniya aliy tasil sistemasınen tanıştıralar, til manialarını aşuvda yardım eteler ve ilâhre.

 

Şimdi böyle mütehassıslardan 30 kişi London ve onıñ civarındaki rayonlarda çalışa ve tahminen 2500 ukrain balanı baqa. Büyük Britaniyada vaqtınca bulunğan ukrain balalarınıñ ihtiyaclarını temin etmek içün leyhanıñ coğrafiyasını Londonnıñ bütün yerli akimiyet organlarına kenişletmek içün çalışmalar devam ete.