2022 s. mayıs ayınıñ 7-sinde UNKniñ № 562 “Devam etken (bitken) arbiy areketler ya da Rusiye Federatsiyasınıñ vaqtınca işğal etkeni topraqlar tek cedvel malümat sisteması aqqında buyruq” qararı qabul etildi.
Raqamiy transformatsiya nazirliginen beraber Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Devam etken (bitken) arbiy areketler ya da Rusiye Federatsiyasınıñ vaqtınca işğal etkeni topraqlar tek cedvel malümat sisteması azırladı.
Ukraina baş naziriniñ Devam etken (bitken) arbiy areketler ya da Rusiye Federatsiyasınıñ vaqtınca işğal etkeni topraqlar tek cedvel malümat sistemasınıñ programma teminatını ve maqbul dashboard`nı mükemelleştirüv ve qullanıcılarnıñ malümat sistemasına maqbul bilgilerni kirsetüv algoritm meselelerini işlev aqqında avalesini yerine ketirmek maqsadınen Raqamiy transformatsiya nazirligi, Ukrainanıñ vaqtınca işğal etilgen topraqlarınıñ reintegratsiya meseleleri nazirligi, İçtimaiy siyaset nazirliginiñ iştiraklerinen orta online oturışı keçirildi. O vaqtında yapılğan işniñ neticeleri muzakere etildi.
2022 s. qara qış ayınıñ 26-sında «Ukrainağa qarşı silâlı tecavuz neticesinde azatlıqtan marum etilgen olaraq tanınğan kişilerniñ ve olarnıñ qorantaları azalarınıñ içtimaiy ve uquqiy qorçalaması aqqında» Ukraina qanunı qabul etildi ve 2022 s. boş aynıñ 19-ında aqqını qazandı.
Ukraina Nazirler Kabinetiniñ 2022 s. ilk qış ayınıñ 23-ündeki № 1191-р buyruğınen tasdıqlanğan Halq ögündeki hızmetlerni elektron şekilge ketirüvge dair 2023 seensi içün tedbirler planınıñ 10. maddesine mücibi endi bu sene elektron şekilde ariza berme imkânını temin etüv ceryanı yerine ketirilecektir. Şu anda Ukrainağa qarşı tecavuz neticesinde azatlıqtan marum etilgen olaraq tanınğan kişiler tek siciline elekton ariza berme ve bilgiler kirsetme imkânı kirsetilecegi platformanı uyğunlaşuv devam ete.
2022-2023 seneleri içün Qırımtatar tilini inkişaf strategiyasını yerine ketirüv çerçivesinde 27.07.2022 s. ReNazirligi, Taras Şevçenko adına Kıyiv milliy universiteti, V.İ. Vernadskıy adına Tavriya milliy universiteti ve “Şarqiy Avropa Fondu” halqara hayriye teşkilâtı arasında işdeşlik memorandumı imzalandı. Mezkür leyha ReNazirligi, “Şaqiy Avropa” fondunıñ kirsetkeni isveçre-ukrain EGAP programması, ve Taras Şevçenko adına Kıyıv milliy universitesi yardımınen yerine ketirile.
Bu memorandum çerçivesinde Qırımtatar Tili Milliy Korpusını (qısqa. – QTMK) yaratılacaq. Bu, qırımtatar tilindeki oquv-maarif, ilmiy ve başqa bilgilernen açıq baza olacaq online bir platformadır.
QTMK – türlü parametrlerge köre sözlerni keniş qıdıruv spektrinen çeşitli üslüpli qırımtatar metinlerinden ibaret olğan müstesna ve abadan til korpusıdır.
QTMK studentler, alimler, tedqiqçiler, ameliy ocalar ve mezkür tilni ogrenmege istegen, diger meraqlağan kişiler içün qalın bir alet olacaq.
Üç aydır Milliy korpusnı yaratmaq içün qırımtatar tilinde basılğan ve online menabaları toplanır. Bu vaqıt devamında katalogğa eñ az 100 müellifniñ 359 metni işlenip kirsetildi. Bu – 40 biñden ziyade basılğan saifedir. Şu anda katalogdaki eñ eski metin – Terciman gazetasınıñ 1883 s. çıqışıdır. Eñ zemaneviy ise 2022 senesidir.