Devlet içinde alınğan kişilerni meskennen temin etüv meselesini al etmege yardım etmek maqsadınen Ukraina Nazirler Kabineti 2021 senesi çiçek ayınıñ 28-indeki № 451 “Yañıdan qurmaq içün kredit müessisesiniñ (KfW) bergeni grant parasınen devlet içinde alınğan kişikerge imtiyazlı ipoteka kreditlerini berüv meseleleri” buyruğı qabul etildi.

İmtizaylı ipoteka krediti (qısqa. – kredit) – Yañıdan qurmaq içün kredit müessisesiniñ (KfW) bergeni grant parasınen devlet içinde alınğan kişikerge imtiyazlı ipoteka kreditlerini berüv yol-yoruğına (qısqa. – Yol-yoruq) mücibi kredit añlaşmasınen tesbit etilgen büyük ve müddetteki mesken almaq içün ğalebe qazanğan kişige berilgen grant parasıdır. Taşınmaz mülk ipotekası, mecburiyetlerni riayet etmege temin eter. Grant parası, mezkür añlaşmada qayd etilgen yol-yoruqqa ve müddetke mücibi qaytarıla bilir.

Kreditleştirüv obyekti – 50 sene evel işletilgen ya da 35 sene evel yañıdan konstruktsiya etilgen çoq daireli meskün evdeki daire ya da bir daireli meskün evdir.

Qayd etmek kerek ki, kredit 30 senelik müddetke berilir, lâkin bu müddet, kredit añlaşması çerçivesinde mecburiyetlerniñ tam olaraq yerine ketirilgeni tarihta borçlu 65 yaşına (dahil) ulaşana qadar berilir.

Bağlantığa basıp, Yol-yoruqnı tafsilâtlıca ögrene bilirsiñiz.

Malümat beremiz ki, bücet parasınıñ baş idarecisi ve bücet programmasınıñ mesüliyetli icracısı ReNazirligidir. 2021 senesi oraq ayında “Devlet içinde alınğan kişiler içün mesken” programması başlatıldı. 2022 senesiniñ soñunda devlet içinde alınğan 500 aile, öz meskenini almaq içün 3%-li kredit aldı. Bu kreditlerniñ umumiy parası 648 mln grivnadır.