Mühbir ya da encebiy kütleviy haber vastalarınıñ vekilleri olğan ve ihtisasiy faaliyetni yapmaq maqsadınen Ukrainada vaqtınca yaşama şeadetnamesini almağa planlaştırılğan ecnebiyler ve vatandaşsız kişiler, Ukrainanıñ vaqtınca işğal etilgen topraqlarınıñ reintegratsiya meseleleri nazirliginden (qısqa. – ReNazirligi) qararnı almalılar.
Devlet migratsiya hızmetiniñ topraq organına ecnebiy jurnalistler içün Ukrainada vaqtınca yaşama şeadetnamesini aluv (deñiştirüv) aqqında hitap etkende ReNazirliginiñ qararı – kerekli vesiqadır.
ReNazirliginiñ qararını aluv ceryanı.
- Ecnebiy junalist, ReNazirligine çalışqanı ecnebiy kütleviy haber vastasından mektüt yollay.
Ecnebiy kütleviy haber vastalarınıñ mektübine talaplar:
1) Mektüp, ReNazirliginiñ şablonında ya da serbest şekilde yazıla bilir, amma aşağıdaki bilgiler qayd etilmeli:
- ecnebiy kütleviy haber vastasınıñ tolu adı ve türü (misal içün gazeta, tele radio şirketi, malümat agentligi v.b.);
- ecnebiy jurnalistniñ ukrain tilinde ve pasport bilgileriniñ tilinde soy adı, adı ve babasınıñ adı (diqqat – bilgilerni teşkermek kerek, çünki bir hata olsa, Devlet migratsiya hızmetiniñ topraq bölügi ReNazirliginiñ qararını almaz);
- ecnebiy jurnalistniñ vatandaşlığı, doğğan künü;
- ecnebiy jurnalistniñ pasport bilgileri – pasport vesiqasınıñ nomerası, berüv tarihı ve müddeti (diqqat – Devlet migratsiya hızmetiniñ topraq bölügine berilecek pasportnıñ bilgileri yazılmalı);
- ecnebiy kütleviy haber vastasında vazife.
Mektüpnen ilâve olaraq ecnebiy jurnalistniñ pasport vesiqasınıñ kopiyası berilir.
Bundan ğayrı, mektüpte aşağıdki malümat qayd etilmeli:
- “Ecnebiyler ve vatandaşsız kişilerniñ uquqiy statusı aqqında” Ukraina Qanunınıñ 5. maddesiniñ 11. qısmına atıf;
- hitapnı vesiqalaştıruv sebebi – vaqtınca yaşama şeadetnamesini ilk kere berüv ya da deñiştirüv;
- vaqtınca yaşama şeadetnamesini berüv (deñiştirüv) aqqında hitap bermege planlaştırğanıñız Devlet migratsiya hızmetiniñ topraq organı (belli olmasa, Devlet migratsiya hızmetiniñ topraq organınıñ bulunğanı şeerniñ adı).
Ecnebiy kütleviy haber vastasından mektüpke talaplar:
- ecnebiy kütleviy haber vastasınıñ resmiy blankında vesiqalaştırır;
- ecnebiy kütleviy haber vastasınıñ reberi ya da başqa vekâletli kişi tarafından imzalanır;
- (bar olsa) müür basılır.
Diqqat!
Reber ya da vekâletli kişiniñ imzası asıl olmalı, mektüpniñ kserokopiyası baqılmaz.
ReNazirligi, ecnebiy kütleviy haber vastasınıñ mektübindeki malümatnıñ tamlığı ve aqiqatlığı içün cevapkâr olmay.
ReNazirligine mektüp nasıl yollamaq mümkün?
Kıyiv ş., Çokolivskıy bulvarı, 13, 03186 adresinde mektübat içün qutuğa mektüp qoymaq.
elektron poçta vastasınen – [email protected] elektron poçtasına ([email protected] elektron poçtasını kopiyada qayd etiñiz) mektüpniñ skan-kopiyasını yollamaq mümkün.
Diqqat!
Ecnebiy kütleviy haber vastasınıñ mektübi elektron poçtağa yollansa, ecnebiy jurnalist ya da vekili ReNazirliginiñ qararını alğanda ecnebiy kütleviy haber vastasınıñ aslı mektübini bermege mecburdır. Aksine, ecnebiy haber vastasınıñ mektibi olmasa, kişige ReNazirliginiñ qararı berilmez.
- Ecnebiy kütleviy haber vastasınıñ mektübine bütün talaplar riayet etilse, ReNazirligi ecnebiy jurnalistke Ukrainada vaqtınca yaşama şeadetnamesini berüv/deñiştirüv qararını Devlet migratsiya hızmetiniñ topraq organına azırlar.
- ReNazirliginiñ qararını nasıl almaq mümkün?
Şahsen – evelden (044) 355-14-68 telefon etip ya da [email protected] elektron poçtası vastasınen haber berip, Kıyiv ş., Çokolivskıy bulvarı, 13, 03186 adresinde;
Poçta vastasınen – evelden alıcınıñ adersini bildirip (ReNazirligine ecmebiy kütleviy haber vastasından mektüp tek yollanğan soñ);
Salâhiyetli vekil – kişi tarafından ecnebiy jurnalist ya da ecnebiy kütleviy haber vastasınıñ (Ukrainada ecnebiy kütleviy haber vastasınıñ vekilligi) vekâleti tasdıqlayıcı vesiqa berilmeli.
Qoşma malümat.
Hızmet bedavadır.
Mezkür protsedura, ukrain kütleviy haber vastalarında çalışmaq içün Ukrainağa kelgen ecnebiyler ve vatandaşsız kişi içün irişilmez.
Normativ-uquqiy vesiqalar:
“Ecnebiyler ve vatadaşsız kişilerniñ uquqiy statusı aqqında” Ukraina Qanunı
Ukraina Nazirler Kabinetiniñ “Vaqtınca yaşama şeadetnamesiniñ foması, blankınıñ tehnikiy tasviri ve onı vesiqalaştıruv, berüv, deñiştirüv, lâğu etüv, yollama, çıqaruv, devletke qaytaruv, aqiqiy olmağan olaraq tanma ve yoq etüv yol-yoruğını tasdıqlav aqqında” qararı
Mesleatlar:
(044) 355-14-68 telefon nomerası ya da [email protected] elektron poçtası vastasınen
Nazirlikniñ adresi:
Kıyiv ş., Çokolivskıy bulvarı, 13, 03186
(044) 355-14-68 telefon nomerası ya da [email protected] elektron poçtası vastasınen ziyaretiñiz aqqında mıtlaqa evelden haber beriñiz.