E.g., 25.09.2022
E.g., 25.09.2022
E.g., 25.09.2022
E.g., 25.09.2022
E.g., 25.09.2022

Daa 65 vatandaş Donetsk vilâyetinde viran etilgen mesken içün tazminat alacaq

Опубліковано 07 December 2021 року, о 15:34

Donetsk vilâyetindeki RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) zarar körgenlerge para tazminatınıñ berilmesinen bağlı meseleler üzerinde eyyet, zarar körgen 65 vatandaşqa para tazminatınıñ berilmesi ve olarnıñ umumiyleştirilgen cedvelge kirsetilmesi aqqında qarar berdi. Bu insanlar, viran etilgen mesken 40 obyektine saiptir.

14 viran etilgen obyekt Şırokıne qasabasında, 10 – Avdiyivka şeerinde, 9 – Maryinka şeerinde, 3 – Piskı qasabasında, 2 – Granitne qasabasında, 1 – Vodâne qasabasında ve 1 – Yasnobrodivka qasabasında yerleşe.

Böylece, oturış neticesinde 65 zarar körgen kişi 11,43 million grivnalıq tazminatnı, yani bir viran etilgen obyekt içün 285 biñ grivna alacaq. Bir arizanı baquv bir aylıq müddetke uzatıldı.

Umumen, 2021 senesiniñ başından berli Donetsk ve Lugansk vilâyetlerindeki eyyetler, 380 mesken fondnıñ obyektlerine saip olğan 454 zarar körgen kişige 105 million grivnalıq tazminatnıñ berilmesi aqqında qarar berdi.

Bu sene Reintegratsiya nazirligi RF silâlı tecavuzı neticesinde viran etilgen mesken içün tazminat programmasınıñ para berilüvini çoqlaştıracaq. Böyleliknen, 2021 s. üç yüzden ziyade qorantanıñ tazminatnı alacağı beklenilir.