Şu andq Sağlıq nazirliginde vatandaşlarnıñ aktual meslelerde malümat ögrenmeleri içün 3 sıcaq hat çalışa.

 

SNniñ 24 saat işlegen alâqa-merkezi – 0 800 60 20 19

 

Cenk vaziyeti vaqtında SNniñ milliy alâqa-merkezi, bedava tibbiy mesleatlar berir. Şu cümleden ukrainalılar, sağlıq saasında er bir sualge cevap ala bilirler. Misal içün:

 

kerekli ilâç nasıl tapnmaq mümkün;

saqatlıq şeadetnamesiniñ müddetini nasıl uzatmaq mümkün;

COVID şeadetnamesini nasıl endirmek mümkün.

Bundan ğayrı, sıcaq hatta göñülli ekimler, bedava online mesleatlar berirler. Teklifler ve tevsiyeler bere bilgen farqlı ihtisaslı 48 tibbiy işçi, SNniñ alâqa merkeziniñ işine qatıldı.

 

SNniñ sıcaq hattı –  0 800 505 201

 

Cenk vaziyeti şartında Ukraina Sağlıq nazirliginiñ sıcaq hattı çalışmağa devam eter. Er kün 08:00-20:00 saatleri operatorlar, sağlıq saasında eñ tarqatılğan suallerge cevap berirler.

 

USNniñ malümat-mesleat hızmeti – 16 77

 

Bazarertesi-Cımaaqşamı künleri 09:00-18:00 saatleri, Cuma künü 09:00-16:45 saatleri USNniñ malümat-mesleat hızmetiniñ operatorları, vatandaşlarnıñ tibbiy kefaletler programmasına mücibi tibbiy hızmetnen bağlı aqlarını yerine ketirüvge dair mesleat-hızmet destegini berirler.

 

16 77 vastasınen aşağıdaki yardım berilir:

 

Esabat, Sağlıq Elektron Sistemasınen iş, añlaşmalar tizüv meselelerine dair añlaşmalarını tizgen sağlıq müessiseleriniñ servis destegi.

USNniñ salâhiyetleri çerçivesinde Uyğun fiyatlı ilâclar devlet programması, retseptler, vaqtınca işsizlik aqqında tibbiy malümatnamelernen bağlı malümat destegi.

Tibbbiy kefaletler devlet programması çerçivesinde añlaşmalarını tizgen bedava hızmetler miqradı, İTY, STY müessiseleri, aphanelerniñ adreslerine dair añlatmalar berüv.