UkrAgroKonsalt şirketi “Şarqiy Ukraina: qavuştıruv, yañıdan quruv, ğayrıdan yaratuv” (3V leyhası) leyhası çerçivesinde Lugansk vilâyetinde iklim olaraq optimizatsiyalaştırılğan köy hocalığını siñdirüvge dair araştırma yapacaq. Şirketiniñ ekspertleri bölgeniñ suvaruv sistemalarınıñ vaziyetini tetqiq etmek, topraqnı kompleks tarzda talil etmek, vilâyette işlegen suvaruv sistemalarınıñ geofezaiy haritalanması içün malümatnı toplamaq, iklim deñişikliginen, bu cümleden yağanaqlarnen, araret ve topraq dımınıñ seviyesinen, bağlı olğan malümat ve tahminlerni talil etmek ve Lugansk vilâyetindeki agroistisalcılar içün iklim deñişikligini ve vilâyetiniñ köy hocalğına onıñ tesirini esapqa alıp öz biznesni nasıl planlaştıracağı aqqında tevsiyelerni azırlamaq kerekler.
Bundan ğayrı, bu araştırma çerçivesinde UkrAgroKonsalt şirketi, Lugansk vilâyetindeki Troyitske, Starobilsk ve Biloukrayinsk cemiyetleriniñ altı köy hocalığı işhanesi içün topraqnıñ agrohimiyeviy pasportını almağa yardım etecek.
“Global iklim deñişiklikleri, endi uzaq kelecekte ve yuqarıda siyasetçilerniñ munaqaşa etkeni añlamağan bir şey olmay. Bu endi bizim kerçekligimiz oldı. Tipik olmağan qurğaqlıqlar ya da apansızdan olğan suv basuvları endi adiy bir şey ve ukrain çiftçileri içün sınav oldı. Bu cümleden, bir seneden ziyade Lugansk vilâyetindeki agroistisalcılar ondan iqtisadiy zarar köreler. İklim deñişe ve biz bölgeniñ agrariylerine endi bugünki iklim deñişikliklerine azırlamağa yardım etmege isteymiz. Bunıñ içün, 3V leyhası çerçivesinde UkrAgroKonsalt şirketi, Lugansk vilâyetinde iklim olaraq optimizatsiyalaştırılğan köy hocalığını siñdirüvge dair araştırma yapacaq. Bu araştırma, iqtisadiy bölgeniñ inkişafına daa bir adım olacaq“, – 3V leyhasını kirsetüv gruppası reberi Roman Plis dep ayttı.
Onıñ söylegenine köre, bu araştıma yapması içün UkrAgroKonsalt şirketi, Dünya bankı tarafından açıq konkursta saylandı. Ukrainadaki barışıq inkişafı ve ğayrıdan tiklevi ortaqlarınıñ Maqsat fondu yardımınen bu araştırma yapılacaq.
“Araştırmamız Lugansk vilâyetiniñ, iklim deñişikligi esabında, öz köy hocalığı potentsialını yerine ketirecegine imkân bermege yardım etecek. Agrariylerge aytılğan iqtisadiy zararsız biznes etmege yardım etecek ikim deñişikligi esabında köy hocalığınıñ komoleks tarzda talil etmek içün kelecek aylar içinde biz yerli çiftçilernen, territorial cemiyetlerinen, Lugansk VDİ-AGİnen sıq işbirlikte areket etecekmiz“, – UkrAgroKonsalt şirketiniñ baş direktorı Sergiy Feofilov dep belgiledi.
UkrAgroKonsalt şirketi 1994 senesinden çalışmaqta ve biznes-planlaştırma, tehnikiy-iqtisadiy delil etüv, Ukraina agroistisal bazarını tahmin etüv tevsiyelerini bermektedir. Bu şirket IFC, FAO, GAFTA, UGA, ACC ve başqa kibi halqara ükümet ve ükümet olmağan teşkilâtlarınen işdeşlik yapmaqta. 3V leyhası içün araştırma çerçivesinde UkrAgroKonsalt, Ukraina Milliy Agrar İlimler Akademiyasınıñ Suvarılğan ziraatı institutınen ve “Praym Lab Teh” SMŞinen işdeşlik yapacaq. Bu teşkilâtlarnıñ ekspertleri, Lugansk vilâyetiniñ bazı şeerlerinde endi topraq nümünelerini toplamağa ve bölgeniñ suvaruv sistemalarını teşkermege başladılar.