Devlet sicillerine irişim vaqtınca bloklanğan topraq cemaatlarınıñ sakinleri, ReNazirligine hitaplarnı yollamağa devam eteler. Şu cümleden Nikopol, Marhanets, Oçakiv ve şu anda memuriy ve notarius hızmetlerine irişimi bloklanğan meskün yerlerniñ sakinleri hitap eteler.

Sebebi – olarnıñ mesküm yerleriniñ topraqlarınıñ statusı, faal arbiy areketler toprağıdır.

Statusı mümkün olğan arbiy areketler toprağına deñişse, mezkür topraq cemaatlarında bloklanğan sicillerniñ işini yañıdan başlatır ve yaşayış teminatınıñ er bir saasında tolu çalışır. Aynı zamanda DAK ödemeleri devam eter.

Qayd etmek kerek ki, bu tür topraqlarnıñ iqtisadiy  yañından pekitmesi içün şimdi Ükümet çoq iş yapa. Şu cümleden ReNazirligi, UNKniñ buyruqlarına deñişmelerni teşebbüs etti. Mezkür buyruqlar, yeRobota ve “5-7-9% irişirilir kreditler” devlet programmaları çerçivesinde mümkün olğan arbiy areketler topraqlarınıñ sakinlerine grantlar (mikrograntlar) ve kreditler bermek içün para qullanuvğa dairdir. Yani mümkün olğan arbiy areketler zonalarındaki cemaatlarnıñ sakinleri bizneslerini inkişaf etmek içün grantlar ve kreditler ala bilirler. Bu, meskün yerlerni yañıdan qurmağa, insanlarğa iş bermege ve yerli bücetke para yollamağa yardım etecek.

ReNazirligi, cemaatlarnıñ telükesizlik vaziyeti imkân bergeni er bir cemaatnıñ statusını deñiştirüvge dair teşebbüsini destek ete.

Topraq cemaatlarınıñ statusını berüv ya da deñiştirüv algoritmini hatırlatamız.

Vilâyet, Kıyiv şeer arbiy memuriyeti Cedvelge tekliflerni kirseteler. Tamam vatandaşlar, yerli akimiyetke bu tür teşebbüsnen hitap ete bilirler.

Mudafaa nazirligi, VAMniñ tekliflerini ya tasdıqlay, ya da red ete. Soñ basamaqta ReNazirligi, yañartılğan Cedvelni tasdıq ete.

Böylece, vatandaşlarğa teşebbüs etmege ve öz yerli akimiyetine hitap etmege tevsiye etemiz. Bizim şeelerimiz ve köylerimiz yañıdan qurulmalılar. Yaşayış teminatınıñ saalarınıñ tolu qıymetli tarzda işlemege başlağanları ve insanlarnıñ devlet hızmetlerini ala bilgenleri er bir meskün yer – ğalebege inandırıcı bir adımdır.