ICTV telekanalınıñ canlı yayınında vitse baş nazir İrına Vereşçuk bunı bildirdi. Onıñ sözlerine köre şu anda hadimlerni azırlama ceryanınıñ ilk neticelerini körmek mümkün.

Şu cümleden, keçenlerde Luhansk ve Donetsk vilâyetleriniñ reberliginen oturış keçirildi, anda bu topraqlar işğalden azat etilecek soñ olarnı tüzleştirici ve reintegratsiya adımları muzakere etildi.

Bundan ğayrı, Milliy telükesizlik ve mudafaa şurası Qırımnıñ reintegratsiya strategiyasını yañartmağa çalışa. Bu seneniñ III-IV kvartalında MTMŞ, bu vesiqanı muzakere etmek ve rey bermek içün çıqarmalı.

“Buna diqqat ayıram, çünki siz añlaysıñız ki, eñ 9 senesir vaqtınca işğal astında bulunğan topraqlarımız bar. Ve o yerlerge çalışmağa ketecek o hadimler yedegi, maqbul tarzda azırlanmalı”, – dep memur qayd etti.

O qoştı ki, endi şimdi Devlet hızmeti meseleleri milliy agentligi, anda çalışmağa istegen insanlarnıñ arizalarını ala: saytta qayd etmek ve elektron kabinetini açmaq mümkün. Böylece işğalden azat etilgen topraqlarda çalışmaları içün hadimler yedegini beraber şekillendirecekmiz.

“Kerçekten de kerek olsa, ihtisasnı deñiştirmek mümkün. Bizim yüksek taszil yurtlarımız, reintegratsiya meseleleri hadimler yedegini azırlamaq içün unikal magistr programmalarını taqdim ettiler. Oraq ayınıñ 10-unda olardan biri Taras Şevçenko adına Kıyiv milliy universitetinde açılacaq. Olar da ihtisasnı deñiştirmege ve anmzetlerniñ eñ kerekli olaraq tüşüngenleri saada oqumağa yardım eteceler”, – dep vitse baş nazir hulâsa çıqardı.