Berim ayınıñ 19-ında Kıyivde keçirilgen “Kharkiv Restart” yatırım forumı vaqtında memur bunı qayd etti.

Forum çerçivesinde Harkivniñ yañıdan qurulması ve inkişafına yatırımlarnı qatılmağa muzakere ettiler. Çünki şeer başı İhor Terehovnıñ sözlerine köre, şimdi mezkür leyhalarnı azırlamaq ve buna para ayırmaq kerek.

Tedbirde Harkivde endi çalışqan ve böyle imkânını bermege tüşüngen ukrain ve ecnebiy şirketleri iştirak ettiler.

Forumnıñ ürmetli musaifleri ve teşkilâtçıları arasında: Prezıdent Ofisiniñ Reberiniñ muavini Oleksiy Kuleba, halq mebusı Davıd Arahamiya ve Danılo Hetmantsev, Harkiv VAMniñ reberi Oleh Sınehıbov.

ReNazirliginiñ reberi kiriş nutuğında Harkiv vilâyetiniñ sakinlerine muracaat etti: “Sizge ürmet bildirmek içün men mındam. Siz kerçekten inanılmaz bir şey yaptıñız – tolu miqyaslı cenkniñ birinci künlerinde dayandıñız, kerçekten Qaramanlar oldıñız. Bunıñ içün sizge pek minnetdarım”.

Bundan ğayrı, memur Harkivlilerniñ cesaretini qayd etti. Çünki rus tecavuzınıñ birinci aylarında bile olar çalışmağa, yaşamağa ve inkişaf etmege devam ete ediler. Harkiv vilâyetini işğalden azat etüv ise, ukrainalılarğa bizim ğalebe qazanacağımızğa ümüt berdi.

Memur, ukrain ve ecnebiy şirketlerine muracaat etti: “Harkiv şeeri ve vilâyetine yatırım yapıñız. Tek bu şeerde eñ az million insan, tahminen 500 biñ devlet içinde alınğan kişi yaşay. Bu, devlet içün büyük bir potentsialdır. Men Harkiv vilâyeti, harkiv iş insanları, ocaları, ekimlerine, bizim devletimizni sevgen ve inkişaf ettirgen er keske işanam”.