Ana-babası, olarnı deñiştirgen insanlar ya da başqa qanuniy vekillerinen balalarnıñ mecburiy tahliyesi aqqında laf etemiz. Telüke vaziyetine köre Donetsk, Harkiv ve Zaporijjâ vilâyetleriniñ bir qaç meskün yerinde bu tür tahliye ilân etildi.

Şu cümleden, üç mecburiy tahliye çerçivesinde Donetsk vilyetiniñ 34 meskün yerinden telükesiz bölgelerge ozğarıcılarınen 524 bala tahliye etildi. Bu sene çiçek ayından berli maqbul tedbirler keçirilir.

Bu sene Harkiv vilâyetinde üç ana-babasınen balalarnıñ mecburiy tahliyesi keçirildi. Böylece çiçek-mayıs aylarında Kupyansk rayonınıñ 17 meskün yerinden 79 bala tahliye etildi.

Bundan ğayrı, oraq-arman aylarında Vovçansk şeerinden ve Çuhuyiv rayonınıñ Vovçansk topraq cemaatınıñ 9 köyünden 194 bala ketirildi.

Arman-berim aylarında Zaporijjâ vilâyetindeki Vasılivka rayonınıñ Stepnohirsk şeer şeklinde qasabasından ve Poloğı rayonınıñ 4 meskün yerinden ozğarıcılarınen 59 bala tahliye etildi.

Balalarnı qorçalamaq maqsadınen maqbul topraqlardaki arbiy komandanlıq organları ve Cenk vaziyeti şartlarında ealiniñ mecburiy tahliyesini keçirüv meseleleri idare ştabınıñ izinlerinen vilâyet arbiy memuriyetleri tarafından mezkür qararlar berildi.