Şu anda boş aynıñ birinci devrinde DAK ödemelerine deyerli 5,8 milliard grivna ayırılacaq.  Şu cümleden, yetişkenlerge 2 biñ grivna, balalar ve saqatlı insanlarğa ise 3 biñ grivnalıq aylıq devlet yardımı aqqında laf etemiz.

Vitse baş nazir İrına Vereşçuknıñ başlığınen DAKniñ aq ve azatlıqlarını yerine ketirmege temin etüv meseleleri idare ştabınıñ bugünki oturışında bu mesele muzakere etildi.

İçtimaiy siyaset nazirliginiñ vekiliniñ haber bergenine köre, bu aynıñ birinci devrinde DAK ödemeleri içün boş aynıñ 15-inde Devlet hazine idaresine ödeme vesiqalarını yollaycaqlar. Bundan soñ bir qaç kün içinde devlet içinde alınğan kişilerniñ esaplarına para yollaycaqlar. 

“Çoq devlet içinde alınğan kişi ReNazirliginiñ sıcaq hatlarına yaşayışqa yardım ödemelerinen bağlı suallernen hitap ete. DAK ödemeleriniñ insanlarğa vaqtında yollanması pek müimdir. Çoqusı allarda bu, ala bilgen tek paradır”, – dep İrına Vereşçuk qayd etti.

Ödemelernen bağlı sualleriñiz olsa, ReNazirliginiñ 24 saat işlegen buhran meseleleri sıcaq hattına hitap ete bilirsiñiz: 15-48. Bundan ğayrı, DAK meseleleri vekiliniñ sıcaq hattına da telefon ete bilirsiñiz: (066) 813-62-39.