Bazı allarda VİETda yaşağan ve Ukraina devletine qarşı cinayetlerni yapqan Ukraina vatandaşları, ukrain vesiqalarını qullanaraq ecnebiy ülkelerge köçeler. Vitse baş nazir İrına Verşçuknıñ başlığınen oturışta bu tür vaqialarnı yoq eteceklerini muzakere ettiler.

Oturış Ukraina Prezidentiniñ Qırım Muhtar Cumhuriyetindeki Vekilligi, Qırımtatar Milliy Meclisi, Milliy politsiya, Devlet migratsiya hızmeti, Ukraina telükesizlik hızmeti, başqa devlet müessiseleri ve bölükleriniñ iştirakinen keçirildi.

Oturış vaqtında iştirakçiler malümatnen paylaşmağa idare etmege ve ukrain vesiqalarını qullanğan duşmannen işdeşlik yapqan insanlarnıñ ecnebiy üleklerge köçmelerine qarşılıq köstermek maqsadınen meraqlanğan taraflar içtimaiy teşkilâtlar ve milliy telükesizlik sektorı arasında kommunikatsiya ağını yaratmağa añlaştılar.

Bundan ğaytı, terkibine VİET akimiyetiniñ işğal organlarınıñ vekilleri qatılğan resmiy rusiye delegatsiyalarınen devletarası işdeşlik yoq etmek içün halqara ortaqlarğa haber bermege devam etecekler.“Duşmannen işdeşlik yapqan insanlarnıñ ecnebiy ülkelerge qaçmaq imkânı olmaycaqtır. Ecnebiy ülkelerge köçmek ıntıluvlarına mania olacaqmız. Bizim maqsadımız – bizim devletimizge qarşı cinayet yapqan insanlarnı mesüliyetke çekmektir. Biz cüratnen areket etecekmiz”, – dep vitse baş nazir qayd etti.