“Bala aqları içün ukrai ağı” içtimaiy birleşmesinen beraber ReNazirligi, 5 yaşındaki Maksımnı Ukraina Ükümetiniñ kontrol etkeni topraqlarğa qaytarmağa yardım etti. 

 

Oğlan Zaporijjâ vilâyetinde yaşağan qartanasınıñ qartbabasınen evinde edi. Rusiyeniñ tolu miqyaslı tecavuzı başlağan soñ olarnıñ yaşağanları köy işğal etildi. Ana-baba balasını alıp ketemediler.

 

Eki sene Maksım eñ yaqın insanlar olmadan yaşağan edi. Telüke sebeplerinde ana-babası onı alıp, vaqtınca işğal etilgen topraqlarğa ketmege qarar alamadılar. Qartana de torunını alıp ketmege qarar alamadı, çünki deyerli er bir köyde çoq rus bloknoqtası bar edi.

 

Neticede Maksımnıñ anası ReNazirliginiñ 15-48 sıcaq hattına hitap etti. “Evge yol” leyhasınıñ idarecisi Anastasiya Haliulovanen beraber nazirlikniñ vekili Nataliya Yemets, areket planını azırladıler ve qaytaruv yolunı qurdılar.

 

Böylece oğlan ana-babasına qayttı ve telükesiz bir yerde buluna. Mayıs ayında onıñ altıncı doğğan künü olacaq.

 

ReNazirligi “Bala aqları içün ukrain ağı” ortağımız ve bu işke qatılğan er keske teşekkür bildire. Orta ğayretlernen 2024 senesi çiçek ayınıñ 16-sında “Evge yol” leyhası çerçivesinde serbest Ukrainanıñ topraqlarına 86 bala qaytarıldı.

 

Hatırlatamız ki, vaqtınca işğal etilgen ya da rf topraqlarına balalarnıñ qanunsız tahliyesiniñ şaatı olsañız, ReNazirliginiñ profil mütehassısı Nataliya Yemetske mıtlaqa haber beriñiz: (050) 562-03-13. Bundan ğayrı, ReNazirliginiñ 15-48 ya da Milliy malümat bürosınıñ 16-48 sıcaq hattına telefon etmek mümkün.