Kıyiv şeerinde “Kiçik ve orta müessiseleriñ inkişafı: DAKniñ iqtisadiy integratsiyası ve biznesniñ yaratılması” leyhasınıñ neticelerinen bağlı resmiy oturışında vitse baş nazir İrına Vereşçuk işitrak etti.

Almaniya FCniñ Ükümeti leyhanı maliye ete ve Halqara migratsiya teşkilâtı (HMT) onı yerine ketire.

2021 senesiniñ soñundan leyha çalışmağa başladı. Bu devirde o, devlet içinde alınğan ve cenkten zarar körgen müessiselerge inkişaf etmege yardım etti. Bundan ğayrı, olarnıñ çalışmağa ve DAKni kerekli eşya ve hızmetlernen temin etmege qabiliyetini quvetleştirdi.

“Leyha devrinde 4500 yevroğa qadar 511 grant, kiçik müessiselerge 20 000 yevroğa qadar 181 grant, start-uplarğa 7000 yevroğa qadar 60 grant ve iş baştamaq ya da inkişaf ettirmek içün pek müim yüzlerce mesleat berildi. Bu yahşı bir netice”, – dep vitse baş nazir qayd etti.

Bundan ğayrı, bu devirde eñ az 5000 iş yeri saqlandı ve eñ az 2200 yañı iş yeri yaratıldı.

İrına Vereşçuk, HMTnıñ Ukrainadaki Temsiliniñ başı Alessiya Skiavon, Almaniya Ükümeti, alman kredit müessisesi KfW, Ukraina İqtisadiyat nazirligi ve Ukraina Tış işleri nazirligine teşekkür bildirdi.

“İşimiz yardımınen bir yüzlerce ukrain müessisesini destek ettik ve biñlerce devlet içinde alınğan kişige iqtisadiy inkişaf etmege yardım etik”, – dep vitse baş nazir hulâsa çıqardı.