Ukrainanıñ vaqtınca işğal etilgen topraqlarınıñ reintegratsiya meseleleri nazirligi «Lifecell» SMŞi ve «İnretelecom» SMŞinen işdeşligi aqqında memorandumlarnı imzaladı.

Esas maqsat, vaqtınca işğal etilgen topraqlarnıñ sakinlerini operatorlarnıñ «Virtual nomera» telekommunikatsiya hızmetini qullanmağa imkânı aqqında haber etüv çerçivesinde küç-quvetlerini qoymaq ve birlikte çalışmaqtır.

«Virtual nomera», dünyanıñ er bir yerinde ukrain telefon nomerasını almağa ve mobil Internet ya Wİ-Fİ ya da kerçek SIM-kartasız mobil qullanımı vastasınen onı qullanmağa imkân bergen bir hızmettir.

«Lifecell» SMŞinden «BiP» mobil qullanımı, ses ve videonen telefon etmege, kerçek SIM-kartasız elektron poçtasına SMS-beyanatlarını almağa imkân berir. Tafsilâtlıca oqumaq içün bağlantığa basıñız. «İnretelecom» SMŞinden «IT Phone» mobil qullanımı ses ve videonen telefon etmege ve almağa, tamam qullanımda kerçek SIM-kartasız SMS-beyanatlarını yazmağa ve almağa imkân berir. Tafsilâtlıca oqumaq içün bağlantığa basıñız.

2021 s. yazda VİETnıñ sakinleri içün «Virtual nomeranıñ» irişilir olğanını hatırlatamız.

Aşağıdaki malümat grafikleri yardımınen «Virtual nomeranı» nasıl almağa ögrene bilirsiñiz.