Ukraina Vitse-baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ Herson vilâyetine iş ziyareti devam etmektedir.

Ekinci kün vaqtında Vitse-baş nazir, «Ukrain demiryolu» AŞinden Ukrainanıñ vaqtınca işğal etilgen topraqlarınıñ reintegratsiya meseleleri nazirligine berilgen «Çongar» KÇYKniñ rejim ve hızmet zonalarını kezip kördi.

««Çongar» KÇYK endi bizim DŞmizniñ balansında ve elbette o çalışmaqtadır. Men, imkânlarına qadar KÇYKne hızmet etken yerli reberlerge teşekkür bildirem. Faqat vatandaşlarımız içün ilâchane noqtasını, banknı ve avtobus toqtav yerini yerleştirmek kibi daa bir vazifemiz bar. Bu iş 2022 s. yanvar ayından başlaycaq», – dep İrina Vereşçuk bildirdi.

Bundan ğayrı, Reintegratsiya nazirligi endi «Çongar» ve «Qalançaq» KÇYKlerinde avtobus toqtav yeriniñ qurulmasınen ve KÇYKleriniñ hızmet zonalarından VİETğa avtobus yollarınen bağlı meselelerni çezmektedir. Vitse-baş nazir, şimdi mezkür KÇYKları içün insanlarnı taşıması içün dört elektromobilni almağa imkânnıñ baqılğanını söyledi.

«Biz qanuniy bir çare teklif etmek kerekmiz. Qanuniy çareler çalışmağanda qanunsız taşıyıcılar peyda ola. Tünevin Herson vilâyetiniñ ve Qımır MCniñ qanun qoruyıcı organlarınen tamam bunı muzakere ettik. Biz elektromobillerni alması içün yanvar ayında konkursnı keçirmege azırmız, bunıñ içün yanvar ayına qadar başlanğıçtan ve meskün yerlerge taşınma meselesi, çözülecektir», – dep İrina Vereşçuk qayd etti.

VİETda yaşağanlarnıñ koronavirus aşısı yaptırılması daa aktual bir meseledir. İrina Vereşçuk, vaqtınca işğal etilgen Qırımdan memuriy sıñırnı keçken ukrainlılarnıñ tamam KÇYKlerinde aşı yaptıra bilecegini inandırdı.

İş ziyareti vaqtında İrina Vereşçuknıñ Herson vilâyetinde qırımtatar halqınıñ Meclisiniñ ve DAKnıñ aktual meselelerini muzakere etkenini hatırlatamız.