= Reintegratsiya nazirligi, işğalden azat etilgen topraqlarda em statsionar, em mobil qızdıruv noqtalarını abadanlaştırmaq içün halqara teşkilâtlarnı celp ete. Bozulmağan mekteplerde, memuriy binalarda, hastahanelerde v.b., evleri viran etken sakinler içün statsionar qızdıruv noqtaları peyda olacaq. Mobil qızdıruv noqtaları da peyda olacaq. Anda isinmek, telefon yüklendirmek ve aşamaq mümkün olacaq. Aynı zamanda Ukrzaliznıtsâ köçip kelgenlerni qabul etken 30dan ziyade vokzalda qızdıruv noqtalarını abadanlaştıracaq.

= Esirlikten azat etilgen ukrainalılarğa içtimaiy qorçalama ve destek kefil oluna. Şu cümleden laf, olarnıñ kötüşüvini teşkil etüv ceryanı, vesiqalarnı yañıdan vesiqalaştıruv, ilk kerekli eşyalarnen temin etüv, tibbiy ve uquqiy yardım v.b. aqqındadır. Milliy Malümat Bürosınıñ vazifelerini al etken “Ukrain milliy barışıq inkişafı merkezi” DT bütün tedbirlerni koordinatsiya etecek. Reintegratsiya nazirliginiñ teşebbüsinen keçenlerde Ükümet tarafından maqbul qarar tasdıqlandı.

= Mahsus vaziyetlerde habersiz ğayıp olğan kişiler meseleleri vekiliniñ Ofisiniñ

– Kropıvnıtskıy ve Krıvıy Rih şeerlerinde daa eki Koordinatsiya merkezi çalışmağa başladı. Şu anda Ukrainada endi 14 bu tür merkez çalışa: Kıyiv, Dnipropetrovsk, İlbav, Rivne, Ternopil, İvano-Frankivsk, Mıkolayiv, Vinnıtsâ, Hmelnıtskıy, Sumı, Odesa ve Zaporijjâ vilâyetlerinde, Kropıvnıtskıy ve Krıvıy Rih şeerlerinde.

= Aziz aynı apostollı Volodımır kinaz ve Olga knagina katedral kilsesi, Qırım MCniñ mülkiyetinden Ukrainanıñ devlet mülkiyetine berildi. Ükümet, Parlamentniñ qararını yerine ketirmek içün bu qararnı qabul etti. Katedral kise, Ukrain Ortodoks Kilsesiniñ Qırım yeparhiyasına bedava qullanması içün berilecek, yarımada işğalden azat etilgen soñ ise kilseniñ mülkiyetine keri qaytarılacaq. Bu, Ukaina Ortodoks Kilsesiniñ Qırım yarımadasındaki cemiyetiniñ bozulğan aqlarını qorçalaycaq.

= Yaqın kelecekte Ukraina konsullıq müessiseleriniñ ukrainalılarğa çet ülkelerge ketmek içün pasportlarnıñ vaqtını uzatuv ceryanını yañıdan başlatmağa planlaştırıla. Bu Tış işler nazirligi, Devlet migratsiya hızmeti ve Reintegratsiya nazirliginiñ teşebbüsidir. Şu anda Tış işler nazirligi, maqbul qararnıñ leyhasını azırlay. Bu, pasportlarınıñ vaqtı bitken vatandaşlarımızğa çet ülkelerde olarnı bedava olaraq uzatmağa imkân berecek.