Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Ukraina Ükümeti ve Danimarka qırallığı Ükümeti arasında çerçive añlaşmasına binaen, Ukrainadaki Danida Business Finance programması çerçivesinde paranen temin etilecek daa doquz astyapı leyhasını sayladı. Saylav, 2021 s. sentâbr ayından devam etmektedir.

Saylanğan leyhalar Donetsk vilâyetinde kerçekleştirilecektir:

1. «Bahmut şeer territorial cemiyetiniñ suv teminatı sistemasınıñ modernleştirilmesi» («BAHMUT-VODA» kommunal şirketi);
2. «Kramatorsk şeeriniñ qızdıruv teminatı sistemasınıñ rekonstruktsiyası» («MİST» kommunal şirketi);
3. «Kramatorsk şeer şurasınıñ «Kramatorsk qızdıruv ağı» İŞKnıñ qızdıruv ağlarınıñ deñiştirilmesi» («Kramatorsk qızdıruv ağı» kommunal istisal şirketi);
4. «Kramatorsk şeeriniñ filt stantsiyasınıñ filtr zalınıñ rekonstruktsiyası» («Kramatorsk suv ağı» kommunal istisal şirketi);
5. «Mariupol şeeriniñ magistral kanalizatsiya ağlarınıñ temelli rekonstruktsiyası» («Mariupol suv ağı» kommunal şirketi);
6. «Ayrı özüniñ qızdıruv noqtalarınıñ tiklenmesinen Tsentralnıy, Prımorsk ve Kalmius reyonlarındaki mesken evleriniñ temelli tamiri, Mariupol şeeri» (Mariupol şeer şurasınıñ «Mariupol qızdıruv ağı» kommunal ticariy şirketi);
7. «Borılarnıñ PPU izolâtsiyasınen Tsentralnıy ve Kalmius rayonlarınıñ qızdıruv ağlarınıñ rekonstruktsiyası, Mariupol şeeri» (Mariupol şeer şurasınıñ «Mariupol qızdıruv ağı» kommunal ticariy şirketi);
8. « Donetsk vilâyetiniñ Pokrovsk şeerindeki Zahısnıkı Ukrayinı soqağındaki 4a evinde yerleşken «Pokrovsk qızdıruv ağı» kommunal şirketinde energiya semereli ve resurslarnı saqlanğan levazimatnı tiklep qızdıruv energiyasınıñ istisalı tehnologik derecesiniñ arttırılması («Pokrovsk qızdıruv ağı» kommunal şirketi);
9. «Kramatorsk şeeriniñ filtr stantsiyasınıñ 2. yoquşınıñ tulumba stantsiyasınıñ rekonstruktsiyası» («Kramatorsk suv ağı» kommunal istisal şirketi).

Evelce dekabr ayında Mıkolayiv vilâyetinde programmanıñ ilk eki astyapı leyhası, ve daa bir Harkiv vilâyetinde saylandı ve taqdirlendi.

Qoşma malümat. Danida Business Finance, belediye astyapı meseleleriniñ çezilmesi içün Danimarka qırallığı tarafından kerçekleştirilgen ve 10 senege qadar faizsiz ödünçlerni bergen programmadır. Böyle leyhalarnıñ azğariy fiyatı, 13,5 mln yevro, azamiy fiyatı ise 100 mln yevrodan.

Ukrainanıñ vaqtınca işğal etilgen topraqlarınıñ reintegratsiyasınen ve oña yaqın topraqlarnıñ astyapısınıñ inkişafınen bağlı olğan ve paranen temin etilgen leyhalarnı saylavnıñ yol-yoruğı Ukraina Nazirler Kabinetiniñ 2021 s. iyül ayınıñ 7-sindeki № 705 qararınen tasdıqlandı.