«UA Perşıy» («UA Перший») telekanalınıñ canlı yayınında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, tınç yaşağan ealini arbiy areketler zonalarından çıqarmağa yardım etecek gumanitar koridorlarnıñ teşkil etilme yaqın planlarını añlattı.

Böylece, bu künlerden birinde Kıyıv vilâyetinde yañı gumanitar koridorlarnıñ açılması planlana, çünki alâ daa böyle maqsatnen ulaşılmağan meskn yerler bar. Daa Çernihiv ve Herson vilâyetlerindeki koridorşarnıñ teşkil etilmesi de kün tertibindedir.

“Yarın BMTnıñ vekilleri maşnalar içün aş ve ilâçnıñ ketirilmesi içün gumanitar koridorlarnıñ açılması mevzusında ruslarnen añlaşma sözü bere. Baqayıq, bu koridor nasıl işleycek. Çünki alâ daa Hersonğa marşrut aqqında añlaşamadıq“, – dep Reintegratsiya nazirliginiñ reberi eñ yaqın istiqbalni bildirdi.

Başqa yönelişlerdeki gumanitar koridorlarnıñ neticelerinen bağlı olaraq İrina Vereşçuk, Sumı yönelişindeki muvafaqiyetli çalışmalarğa diqqat çekti. Umumen Sumı vilâyetinden 100 biñden ziyade kişi çıqmağa becerdi ve gumanitar yükler de o yerge kete bile.

“Çernihiv vilayetinen vaziyet ise daa yaramay, amma yardımımız o yerge de kete, faqat anda merkeziy tahliye iç yapılmadı. Amma insanlar qaçmaq içün bir fırsat taptılar. Harkiv vilâyetinde de çoq zor. İzümden viran etilgen köpürden kirmek mümkün olmay – İzüm-Lozova marşrutında endi qapalıdır. Bunıñ içün yarın içün Harkiv koridorı aqqında añlaşmaq zor olacaq“, – dep Vitse baş nazir hulâsa çıqardı.