Brifing vaqtında Vitse baş nazir – Ukrainanıñ vaqtınca işğal etilgen topraqlarınıñ reintegartsiya meseleleri naziri İrina Vereşçuk, mart ayınıñ 26-sında tüm 10 gumanitar koridornıñ işlegenini ve 5 biñden ziyade insan tahliye etilgenini añlattı.

Donetsk vilâyetindeki gumanitar koridorlar

• Mariupoldan Zaporijjâğa öz naqliyatınen 331 kişi ketti.

«Yarın Berdânsktan tahliye etilgen mariupollılarnı bugün Zaporijjâğa ketire bildik. Tüm 4 biñ insan endi telükesizliktedir. Berdânsktan sutunda umumen 48 avtobus bar edi – olar Zaporijjâ, Dnipro, Kropıvnıtskıy şeerlerinden yollandı. Marşrut boyunca sutunğa Zaporijjâ vilâyetiniñ Berdânsk rayonınıñ meskün yerleriniñ sakinlerinen 5 avtobus qatıldı», – dep Vereşçuk qoştı.

Bundan ğayrı, bugün acele yardım maşnaları vastasınen Zaporijjâdaki hastahanege eki çoq yaralanğan bala ve pnevmoniyanen köküs balası ketirildi. Şu anda olarğa kerekli yardım berile.

Aynı zamanda Vasılivkadaki blok noqtasında avtobuslarnıñ bloklanğanı sebebinden mariupollılar şahsiy naqliyatınen ketemediler. Yarın bu meselege dair aytışmalar devam etecektir.

Nazir daa bir kere hatırlattı:

• Berdânskta Melitopolske şose sq. 87b adresinde mariupollılar öz maşnalarına bedava benzin qoya bilecekler.

Berdânskta kerekli yardım ve sığınaq almaq içün mariupollılarnı gumanitar ştablarğa muracaat etmege rica etemiz.

Gumanitar ştablarnıñ alâq malümatı:

• 3-62-76, 3-52-52
• 0975515917
• 0504397529.

Kıyıv vilâyetindeki gumanitar koridorlar

• Plesetske köyünden Fastiv şeerine, ve Severınovka, Çervona Sloboda, Rojev ve Sıtnâkı köylerinden Bila Tserkva şeerine 289 kişi tahliye etildi;
• niayet daa bir kere Borodânka şeerine kete bildik, bugün andan Bila Tserkva şeerine 62 kişi tahliye etildi.

Lugansk vilâyetindeki gumanitar koridorlar

• Rubijne, Lısıçansk, Severodonetsk, Popasna, Hirske şeerlerinden ve Hıjnye qasabasından bugün 526 kişi tahliye etildi.

Hulâsa çıqarğanda İrina Vereşçuk qayd etti: tahliye vaqtında mezkür yerlerge 80 tonnalıq gumanitar yardım (konservalar, kürpeler, un, et) ketirildi.